Хаартыска: А.Васильева.
От ыйын 15-21 күннэригэр Саха сиригэр Инфекционнай половой ыарыылары сэрэтэр нэдиэлэ ыытыллар. Бу кэм устата дерматолог, венеролог быраастар тэлэбиидэнньэҕэ, араадьыйаҕа, хаһыаттарга тахсан, бу ыарыылар тустарынан кэпсииллэр, сэрэтэллэр.
Инфекционнай половой ыарыылары эмтээбэтэххэ, төрүүр-ууһуур уорганнар ыарыыларын көбүтэллэр, эр дьон да, дьахталлар да кыайан оҕоломмот буолан хаалаллар. Маннык ыарыылары антибиотик эрэ кыайар. Манна киһи бэйэтэ эмтэнэ сатыыра букатын сыыһа, быраас эрэ аныахтаах. Тоҕо диэтэр, ханнык ыарыыга хайдах антибиотик ананарын, ханнык дозатын төһө өр иһиллэрин быраас эрэ быһаарар. Сорох ыарыыга сөп түбэспэт антибиотиктар бааллар. Киһи бэйэтэ “эмтэнэ” сылдьан, өссө куһаҕаны оҥостуон сөп, тоҕо диэтэр, сыыһа эмтэнэн, ыарыыны баттатан кэбиһэр, онтон бу ыарыы кэлин өссө күүскэ көбөн кэлэр.
«Биһиэхэ кэлэртэн кыбыстымыахха наада, киһиэхэ доруобуйа диэн саамай күндүтэ буолар. Кыбыстар дьон анонимнай кэбиниэккэ кэлэллэр. Ордук харысхала суох сылдьыһыы кэнниттэн кэлэн бэрэбиэркэлэниэххэ наада. Саамай сүрүнэ, венерическэй ыарыылар бары эмтэнэллэр, киһи толору үтүөрэр», — диэн быраастар этэллэр.
Өрөспүүбүлүкэтээҕи тирии-венерологическай диспансер симиэнэҕэ 150 киһини көрөр кыахтаах поликлиниката Богдан Чижик уулуссатын 3 №-гэр баар. Оттон 90 куойкалаах сытар балыыһата уонна лабораторията Покровскайдыыр аартык 6-с №-гэр бааллар. Диспансер мэдиссиинэ үрдүк технологиялаах көмөтүн оҥорор анал тэрилинэн хааччыллыылаах.
Диспансерга араас тирии ыарыылаах 500-тэн тахса киһи учуокка турар. Поликлиникаҕа тирии ыарыылаахтар уонна венерическэй ыарыыларын эмтэтэр дьон биир регистрацияны ааһаллар эрээри, тус-туспа көрүдүөргэ, хосторго көрдөрүнэллэр. Маны тэҥэ, анонимнай кэбиниэт диэн баар, ол туспа ааннаах, регистрациялаах. Манна кэлбит дьон ааттарын кистиэхтэрин сөп.
Диспансерга хайдах суруйтарыахха?
Бырааска суруйтарарга: 122 нүөмэргэ эрийэн баран, эбии 1-1-2 баттыыгыт. Маны тэҥэ, “К врачу” сыһыарыы нөҥүө, эбэтэр, регистратураҕа кэлэн, быһаччы суруйтарыахха сөп. Тэйиччиттэн консультация ыларга: «Облачная поликлиника» сыһыарыы нөҥүө суруйтаран баран. Регистратура: +7 (4112) 405603. Анонимнай кэбиниэт: +7 (4112) 405601.
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…