Инфляция сыл бүтүүтэ 6% -тан намыһах буолуон сөп

Арассыыйа Бэрэсидьиэнэ Владимир Путин “Сыл түмүктэрэ” быһа эпииргэ Арассыыйаҕа инфляция кыһалҕатын быһаарарга кыах баар, сыл бүтүүтэ көрдөрүү 6%-тан намыһах буолуон сөп диэн эттэ.

“Быйылгы экэниэмикэ үүнүүтүн тэтимин туһунан эттэххэ, бу бырабыыталыстыба, Киин баан уонна дойду салалтатын өттүттэн инфляцияны таргетиҥҥа сыһыаннаах соруйан оҥоһуллубут дьайыыта буолар. Бэлиэтээн эттэххэ, бу сорук сүнньүнэн быһаарыллар, тоҕо диэтэххэ инфляцияны 6%-ҥа диэри түһэрэр сыал туруоруллубута. Ол эрээри, сыл бүтүүтэ 6%-тан намыһах буолуон сөп — 5,7-5,8%», — диэн дойду баһылыга иһитиннэрдэ.

Владимир Путин “экэниэмикэ үүнүүтүн тэтимин кыччатыы – бу экэниэмикэ уонна макроэкономическай көрдөрүүлэрин харыстыыр туһугар сөптөөх хардыы” диэн эттэ.

Бу иннинэ бэрэсидиьэн Арассыыйаҕа быйылгы сыллааҕы валовай ис бородуукта (ВВП) үүнүүтэ 1%, оттон үс сыл иһигэр – 9,7% буолбута диэн иһитиннэрбитэ.