«ИнформУИК» бырайыак бүтэһик күннэрэ

Киэҥ далааһыннаах «ИнформУИК» бырайыак чэрчитинэн Саха сиригэр быыбардааччыларга аадырыстаах иһитиннэрии бүтэрэ чугаһаата.

Бу бырайыак дойду үрдүнэн олунньу 17 күнүгэр саҕаламмыта уонна сарсын, кулун тутар 7 күнүгэр, түмүктэниэҕэ диэн СӨ Киин быыбардыыр хамыыһыйата иһитиннэрэр.

Учаастактааҕы быыбардыыр хамыыһыйа чилиэннэрэ быыбардааччылар олорор аадырыстарынан кэрийдилэр, бу хаалбыт күҥҥэ көрсүбэтэх дьонноругар иһитиннэрии оҥоруохтара.

Кулун тутар 6 күнүнээҕи туругунан учаастактааҕы быыбардыыр хамыыһыйа чилиэннэрэ 285409 дьиэни кэрийдилэр, 425041 быыбардааччыга иһитиннэрии оҥордулар. Ыйытык түмүгүнэн, 215435 киһи хайаан да быыбарга кытталларын эппиттэр, ол быыбардааччылар 83,8% ылар.

Учаастактааҕы быыбардыыр хамыыһыйа чилиэннэрэ быыбардааччыларга сылдьан, дьиэҕэ ким куоластыан сөбүн чуолкайдаатылар. 8934 (3,8%) быыбардааччы дьиэлэригэр куоластыыллара сатамньыта суоҕун эттилэр. 11580 быыбардааччы ханна тиийбит сирдэринэн куоластыырга сайабылыанньа биэрэр санаалаахтарын биллэрдилэр.

Кулун тутар 6 күнүттэн бары Учаастактааҕы быыбардыыр хамыыһыйалар үлэлэрин саҕалаатылар, онон быыбардааччылар бэйэлэрин учаастактарыгар тиийэн испииһэктэрин чуолкайдыахтарын, дьиэҕэ куоластыырга сайабылыанньа биэриэхтэрин сөп.