«ИнформУИК» бырайыак үлэлиэҕэ

Олунньу 17 күнүттэн “ИнформУИК” бырайыак үлэтин саҕалыаҕа. Быыбардыыр хамыыһыйа чилиэттэрэ куоластааччыларга дьиэлэригэр тиийэн кулун тутарга буолар быыбар туһунан сырдатыы үлэтин ыытыахтара. 

2023 сыл сайыныгар бу бырайыак 11 улууска тургутууну ааспыта, 330 дьон кыттыыны ылбыта. Билигин өрөспүүбүлүкэ олоччу хабыллыаҕа, 2649 киһи үлэлиэҕэ. Бу дьон Арассыыйа Бэрэсидьиэнин талар быыбарга ханнык хандьыдааттар турбуттарын, куоластааһын араас ньымаларын туһунан кэпсиэхтэрэ. «Ону таһынан ким быыбар күнүгэр сатаан кэлбэтин билиэхтэрэ, олорго сөптөөх күҥҥэ УИК анал хамыыһыйата тиийэн сокуоннай бырааптарын толорорго көмөлөһүөҕэ”, — диэн Саха сиринээҕи ЦИК чилиэнэ Эльвира Мярикянова  сиһилии кэпсээтэ

Бырайыак кыттааччылара бука бары дастабырыанньалааах, анал сэлиэччиктээх, бэлиэ бейджиктаах буолуохтара.