Хаартыска: созданонадв.рф саайтан.
Бурятия уопутун Бурятия Өрөспүүбүлүкэтин Бырабыыталыстыбатын бэрэссэдээтэлин солбуйааччы Евгения Лудупова билиһиннэрдэ. Эрэгийиэҥҥэ бастакы хардыынан бу сыл кулун тутарыгар өрөспүүбүлүкэҕэ креативнай индустрия биирдиилээн көрүҥнэрин сайыннарар туһунан сокуону ылыныы буолбут. Билигин Бурятияҕа “Радуга” арт-резиденция, “Креативнай индустрия оскуолата” үөрэх киинэ, “Хаб-Хаб” уонна “Тэпилииссэ” о.д.а. мастарыскыайдар үлэлииллэр.
“Сыл бүтүүтэ биһиэхэ тутуутугар биир миллиард солкуобай үп угуллар Креативнай индустрия киинэ аһыллыаҕа. Ону тэҥэ, креативнай индустрия быһыытынан Бурятия үгэс буолбут (традиционнай) мэдиссиинэтин сайыннарарга этии киллэрэбит. Бу былыр былыргыттан эрэгийиэн “визитнай карточкатынан” буолар. Бренд оҥорор уонна норуоттар икки ардыларынааҕы ырыынакка тахсар эмиэ ирдэнэр” – диэн Евгения Лудупова бэлиэтиир.
Федерация Сэбиэтин социальнай бэлиитикэҕэ кэмитиэтин чилиэнэ Анастасия Жукова Чукотка бэрэстэбиитэллэрэ бэйэлэрин эрэгийиэннэригэр креативнай индустрияны сайыннарыыны хайдах көрөллөрүн кэпсээтэ.
“Биллэн турар, биһиги киинтэн олус тэйиччи олоробут, билиҥҥитэ кластер суох. Федерация Сэбиэтигэр мин креативнай индустрия уонна норуот уус-уран оҥоһуктарын сайыннарыыга хамыыһыйатын састаабыгар баарбын. Хамыыһыйаны Инна Святенко салайар, биһиги үлэбит сүрүннээн “сиргэ” барара” – диэн сенатор кэпсиир.
Ону тэҥэ, кини Чукоткаҕа билигин ыччат бэйэтин эрэгийиэнигэр үлэлиирин, үүнэрин туһугар олохсуйарын ситиһэр суолталааҕын бэлиэтиир. Маныаха саҥа инудстрияны сайыннарыы оруоллааҕын ыйар. “Биһиги кыраайбыт олус кырасыабай, ыалдьыттарга көрдөрөрбүт элбэх” – диэн эбэн этэр. Бу туһунан Созданонадв.рф саайт суруйар.
Мииринэй оройуонун суута оройуоннааҕы балыыһа дерматовенеролог-быраас - буруйданар дьахтарга бириигэбэрин таһаарда. Суутунан быһаарыллыбытынан, 2023–2024 сс. …
Аан дойдутааҕы биисинэс эйгэтигэр «сымнаҕас» күүс диэн өйдөбүл баар – ол эбэтэр эрэгийиэн бэйэтин култууратын,…
Арассыыйа бастакы национальнай сервиһин – «МАХ» сыһыарыы кыахтара кэҥээн иһэрин туһунан www.sakha.gov.ru иһитиннэрэр. «МАХ» биир…
Саха Өрөспүүбүлүкэтигэр 2026 сылга баһаартан кутталлаах кэмҥэ бэлэмнэнии былааннаахтык ыытыллар. Онуоха биир сүрүн хайысханан Арктика…
Амма сэлиэнньэтигэр биир симиэнэҕэ 200 киһини көрөр кыамталаах поликлиниканы тохсунньу бүтүүтэ арыйар былааннаахтар. Мэдиссиинэ тэрилтэтигэр…
“Дойдуну көмүскээччилэр” судаарыстыба пуондатын Саха сиринээҕи салаата байыаннай дьайыы бэтэрээннэригэр уонна кинилэр дьиэ кэргэттэригэр көмөтө…