Араадьыйаҕа «Диалог с властью» биэриини истиҥ

Бүгүн, алтынньы 11 күнүгэр, 13 ч.05 м. «Тэтим» НКИХ FM 107,1 долгунугар «Диалог с властью» араадьыйанан биэриигэ СӨ үөрэх уонна билим миниистирин солбуйааччы Иннокентий Анатольевич Афанасьев кыттыыны ылыаҕа.

Кини «Модернизация школьных систем образования» федеральнай бырагырааманан үөрэх кыһаларыгар хапытаалынай өрөмүөнү ыытыы туһунан сырдатыаҕа. Бырагыраамаҕа оскуолалар эрэ буолбакка, уһуйааннар, орто анал үөрэхтээһин тэрилтэлэрэ кыттар кыахтаахтарын кэпсиэҕэ. Маны таһынан, быйылгы үлэлэр тустарынан кэпсиэҕэ, чугастааҕы кэм былааннарын иһитиннэриэ.

Ыйытыыларга хоруйдуо.

Араадьыйаны истээччилэр ыйытыыларын: 8 (4112) 32-00-66 уонна 32-11-66 нүөмэрдэргэ эрийэн биэриэхтэрин сөп.

СӨ Ил Дархынан уонна Бырабыыталыстыбатын пресс-сулууспата