Иннокентий Андросов СӨ Быыһыыр сулууспатын начаалынньыгынан ананна

Бүгүн СӨ нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэт бэрэссэдээтэлэ Дмитрий Лепчиков өрөспүүбүлүкэ быыһыыр сулууспатын салайааччыларыгар уонна үлэһиттэригэр саҥа начаалынньыгы билиһиннэрдэ.

Ол туһунан СӨ нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэт пресс-сулууспата иһитиннэрдэ.

Иннокентий Андросов СӨ нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэт бэрэссэдээтэлин бирикээһинэн ыам ыйын 19 күнүгэр Быыһыыр сулууспа начаалынньыгынан ананна. Бу иннинэ кини СӨ нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэт бэрэссэдээтэлин бастакы солбуйааччынан үлэлээбитэ.