Иннокентий Луковцевка «СӨ киинэтин үтүөлээх тириэньэрэ» бочуоттаах ааты иҥэрдилэр

Бүгүн, муус устар 1 күнүгэр, Көр-күлүү, дьээбэ күнүнэн сибээстээн, саха киинэтин режиссердара СӨ үтүөлээх артыыһа Иннокентий Луковцевка норуот аатыттан өссө биир бочуоттаах ааты иҥэрдилэр. 

Бу туһунан промо-продюсер Анастасия Алексеева маннык сырдатта:

—— Иннокентий Луковцев үс киинэҕэ тириэньэр оруолун толордо: «Дьулуур», «Триумф», «Спид Стар».

«СӨ киинэтин үтүөлээх тириэньэрэ» бочуоттаах ааты Иннокентий Луковцевка кини доҕотторо «Сахафильм» дириэктэрэ Алексей Егоров-Өркөн, «Триумф» киинэ режиссера Михаил Лукачевскай, «Спид Стар» киинэ продюсера Степан Порядин иҥэрдибит уонна ону туоһулуур докумуону туттардыбыт.