Дойду бэрэсидьиэнэ Владимир Путин Федеральнай Мунньахха туһаайбыт этиитигэр үөрэххэ, ыччаты иитиигэ сыһыаннаах кэккэ боппуруостарга тохтоото.
Өлүөхүмэ улууһун Кыыллаах орто оскуолатын дириэктэрэ, педагогика билимин хандьыдаата Иннокентий Малгаров бэрэсидьиэн анал этиитин кэнниттэн санаатын үллэһиннэ:
— Тус бэйэм, оскуолаларга эрэ буолбакка, оҕо саадтарыгар эмиэ хапытаалынай өрөмүөн киирэрин биһирии иһиттим. Уонна оскуолаларга ыытыллар хапытаалынай өрөмүөн федеральнай бүддьүөттэн үбүлэнэн сыыйа былааннаах өрөмүөҥҥэ көһөрө олус үчүгэй диэн көрөбүн.
Кылаас салайааччыларыгар уонна иитиигэ дириэктэр сүбэһиттэригэр эбии төлөбүр тыа сирин үлэһиттэригэр көрүллэрэ эмиэ көдьүүстээх. Хамнас өттүгэр федеральнай кииннэр быһаарыылары ылынан эрэллэр. Учуутал хамнаһын туһунан федеральнай единэй ирдэбил олоххо киириэ диэн эттэ.
Биир кэлим эксээмэҥҥэ оҕолор биир талбыт биридимиэттэрин хаттаан туттарыахтарын сөп буолуо диэн иһитиннэрдэ. Оҕолор долгуйан сөптөөх баалларын ылбакка хаалбыт түгэннэригэр, ханнык эрэ биридимиэттэри хаттаан туттарарга кыах биэрэр сөптөөх быһаарыныы диэн көрөбүн.
Уонна учууталлар туруорсар кыһалҕалара эмиэ интэриэһинэй. Билигин дойду үрдүнэн үөрэх бырагырааматын биир сүрүннээһин үлэ бара турар. Манна эксээмэн ирдэбилэ, үөрэх кинигэтэ, бырагыраамалар өссө биирдэ көрүллэллэрэ, ис тутула биир ирдэбиллээх көрүллэрэ, бэрээдэктии түһэр сөптөөх. Урут үөрэх кинигэтин арааһа баара. Бу эмиэ да үчүгэйдээх этэ эрээри, биир кэлим эксээмэн туттарар буоллахпытына ирдэбил эмиэ биир буолара ордук курдук.
Уопсайынан, дойду бэрэсидьиэнэ Владимир Путин быйылгы Этиитэ, Дьиэ кэргэн сыла буоларын быһыытынан, тустаах тиэмэни киэҥник хапта.
Судаарыстыба иитии боппуруостарыгар үгүс үлэни ыытан эрэр диэн санаа үөскээтэ. Кылаас салайааччыларыгар, сүбэһиттэргэ даҕаны сыһыаннаах этиилэрэ оҕону иитэргэ кэскиллээх толкуйдар. Уонна ыччакка аналлаах саҥа национальнай бырайыагы киллэриэхтэрин туһунан иһитиннэрдэ. Бу эмиэ киэҥ толкуйдаах быһаарыныы диэн биһирээтим.
Саха сиринээҕи Силиэстийэлиир кэмитиэтин управлениетын отдела хомуйбут дакаастабылынан, 65 саастаах эр киһини күһэлэҥ эмтииргэ быһаарыыны…
Арассыыйа ЫБММ сүрүн управлениетын Саха сиринээҕи ыксаллаах быһыы-майгы управлениетын киинэ иһитиннэрэринэн, бэнидиэнньик киэһэ, ыам ыйын…
Ыам ыйын 19 күнүгэр Дьокуускай куоракка, киэһэ 19 чаас саҕана, сокуоннай сааһын ситэ илик оҕону…
Анал байыаннай дьайыы саҕаланыаҕыттан Саха сирин быраастара саҥа территорияларынан олохтоох дьоҥҥо мэдиссиинэ көмөтүн оҥороллор. Бу…
Ыам ыйын 20 күнүттэн саҕалаан биир нэдиэлэ устата хатыҥ уутун ылар кэм кэллэ. Анаан дьарыктанааччыларга…
РФ Бэрэсидьиэнигэр СӨ бастайааннай бэрэстэбиитэлэ, Саха сиринээҕи кэлим координационнай киин салайааччыта Андрей Федотов брифинг кэмигэр…