Нам улууһун дьаһалтатын пресс-сулууспата
Нам улууһуттан күрэсчит Иннокентий Окоемов гиирэ успуордугар аан дойдутааҕы турнир чөмпүйүөнүнэн буолла.
Сэтинньи 10-12 күннэригэр Улан-Удэ куоракка Арассыыйа успуордун үтүөлээх маастара Сергей Леонов бирииһигэр гиирэ успуордугар аан дойдутааҕы уонна Бүтүн Арассыыйатааҕы турнир ыытылынна.
Күрэхтэһиигэ дойду 14 эрэгийиэниттэн уонна Монголияттан кэлбит күрэсчиттэр кытыннылар. Турнирга эр дьон да, дьахталлар да кииристилэр. Саха Өрөспүүбүлүкэтин чиэһин 63 киилэҕэ диэри ыйааһыҥҥа Нам улууһуттан гиирэ успуордун маастара Иннокентий Окоемов чиэстээхтик көмүскээтэ. Турнир түмүгүнэн, кини «сылбырҕа анньыы» (рывок) диссипилиинэҕэ 119-та анньан, бастакы миэстэни ылла.
Бэлиэтээн эттэххэ, Нам улууһун дьаһалтатын пресс-сулууспатын иһитиннэриитинэн, Иннокентий Окоемов идэтийбит күрэсчит буолбатах, кини успуорду сүрүн үлэтин кытта ситиһиилээхтик дьүөрэлиир. Билигин «Олимпик» успуорт оскуолатыгар гиирэ успуордугар тириэньэр быһыытынан үлэлиир.
Илиҥҥи халандаар этэринэн, хас биирдии сыл гороскопка баар 12 кыыл салалтатынан ааһар. Үүнүөхтээх 2026 сыл…
Ис сүрэхпиттэн үүнэн иһэр 2026 сылынан эҕэрдэлиибин! Биһиги XXI үйэ иккис чиэппэригэр үктэнэбит. Бэлиэ түгэннэринэн, чаҕылхай ситиһиилэринэн…
Бу күннэргэ күн-дьыл хайдаҕый? Төһө тымныйарый? Хаар түһэр дуо? Өрөспүүбүлүкэ арҕаа өттүгэр сорох сиринэн кыра…
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…