Иннокентий Слепцов боксаҕа Арассыыйа чөмпүйэнээтигэр путевканы ылары ситистэ

Бу күннэргэ Улан-Удэ куоракка эр дьоҥҥо боксаҕа Уһук Илиҥҥи чөмпүйэнээтин финальнай киирсиилэрэ түмүктэннилэр.

Турнирга Саха сирин сүүмэрдэммит хамаандата биир кыһыл көмүс уонна үс боруонса мэтээли ылары ситистэ. Оттон Саха сирин сүүмэрдэммит хамаандатын састаабыттан кыһыл көмүс мэтээли 51 кг диэри ыйааһыҥҥа Иннокентий Слепцов ылла.

Кини Уһук Илин уокурук кыһыл көмүс мэтээлинэн бэлиэтэммитинэн эрэ буолбакка, Екатеринбург куоракка атырдьах ыйын 13-24 күннэригэр буолуохтаах Арассыыйа чөмпүйэнээтигэр кыттарга чиэскэ тигистэ.

Ону таһынан, Саха сирин сүүмэрдэммит хамаандатыттан Николай Матвеев (54 кг), Антон Копырин (57 кг) уонна Артур Голиков (75 кг) боруонса мэтээллэринэн наҕараадаланнылар. Бу туһунан «Триумф» пресс-сулууспата суруйар.