Хаартыска - sakha.gov.ru
Саха Өрөспүүбүлүкэтин Билимин академиятын дьиҥнээх чилиэнэ, Арассыыйатааҕы Наукалар академияларын чилиэн-кэрэспэдьиэнэ, Экология уонна олоххо-дьаһахха куттал суох буолуутун норуоттар икки ардыларынааҕы академиятын академига, бэрэпиэссэр, биология билимин дуоктара Никита Гаврилович Соломонов 2024 сыл олунньу 10 күнүгэр 95 сааһыгар олохтон туораабыта.
Бүгүн, олунньу 14 күнүгэр, Дьокуускайга Д.К. Сивцев-Суорун Омоллоон аатынан Опера уонна балет судаарыстыбаннай тыйаатырыгар 10:00-12:00 диэри Никита Соломоновы тиһэх суолугар атаараллар.
РНА СС Криолитозонаҕа биологическай кыһалҕаларга институтун дириэктэрэ Иннокентий Михайлович Охлопков учууталын маннык ахтар:
— Биһиги учууталбыт, настаабынньыкпыт, биологияҕа уонна экологияҕа үтүмэн элбэх учуонайы иитэн-такайан таһаарбыт Никита Гаврилович Соломонов саха норуотуттан бастакынан ССРС Наукаҕа академиятын (билигин Арассыыйатааҕы наука академията) чилиэнинэн буолбута. Кини өрүү бастакы этэ, инники күөҥҥэ сылдьара, суолу-ииһи тэлээччи-солооччу… Ол курдук, кини бастакынан өссө сэбиэскэй кэмҥэ Саха сирин айылҕатын харыстааһыҥҥа аналлаах боппуруостары көтөхпүтэ. Манна сир баайын хостуур улахан тэрилтэлэргэ болҕомто уурулларын кини туһаайбыта. Нэһилиэнньэҕэ экологияны сырдатыы күүскэ ыытыллыахтааҕын эмиэ кини туруорсубута.
Никита Гаврилович ыччат дьоҥҥо улахан болҕомтотун уурара. Этэргэ дылы, оскуолаттан саҕалаан устудьуоннуур, онтон наукаҕа бастакы хардыыны оҥоруохтарыгар тиийэ. Кини бэйэтин кэнниттэн аан дойду таһымнаах улахан научнай оскуоланы төрүттээн хаалларда. Олоҕун бүтэһик күннэригэр диэри сүбэ-ама, сорудах биэрбитэ. Никита Гаврилович олорон ааспыт олоҕо, кини научнай ситиһиитэ, оскуолата үөрэппит, такайбыт үөрэнээччилэригэр өрүү суолдьут сулус буолан элбэххэ сирдиэ, үөрэтиэ…
Никита Гаврилович аатын үйэтитэр инниттэн кини аата биһиги институппутугар иҥэриллиэ диэн эрэнэбит.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…