Бээтинсэҕэ, ахсынньы 5 күнүгэр, «Саха» НКиХ «Тэтим» араадьыйатын 107,1 FM долгунугар «Былааһы кытта кэпсэтии» биэриигэ Саха Өрөспүүбүлүкэтин Инновацияҕа, сыыппара сайдыытыгар уонна инфокоммуникационнай технологияларга миниистирэ Петр Васильевич Николаев кыттыыны ылыаҕа.
Биэрии күнүс 13 чаас 05 чааска быһа эпииргэ тахсыаҕа. Араадьыйа истээччилэр IV федеральнай «Сыыппара алмааһа» пуорум сүрүн түмүктэрин, пуорум чэрчитинэн эрэгийиэн сайдыытыгар үлэлээн эрэр бастыҥ бырайыактар тустарынан билиэхтэрэ. Миниистир федеральнай таһымнаах сыыппара сайдыытыгар өрөспүүбүлүкэ суолтатын уонна оруолун, ону таһынан сыыппара киириитэ хотугу уонна Арктика улуустарын олохтоохторугар туох туһаны аҕаларын туһунан сиһилии кэпсиэҕэ.
Эпиир кэмигэр өрөспүүбүлүкэ сыыппараҕа көһүүтүн эйгэтигэр 2026 сылга турар соруктар иһитиннэриллиэхтэрэ. Бу уонна да атын ыйытыктарга миниистир бэйэтэ хоруйдуоҕа. Араадьыйа истээччилэр «Былааһы кытта кэпсэтии» биэрии быһа эпиирин кэмигэр устуудьуйаҕа 8 (4112) 32-00-66 уонна 32-11-66 нүөмэрдэринэн эрийэн, бэйэлэрин ыйытыыларын биэриэхтэрин сөп. Эпииргэ этиллибэккэ хаалбыт ыйытыылар биэрии кэнниттэн кыттааччыга тиэрдиллэллэр.
2026 сылга биэнсийэ биир коэффициенын сыаната 156,76 солкуобайга тиийиэҕэ, оттон страховой биэнсийэҕэ эбии бэриллэр төлөбүр…
Саха сиригэр суукка иһигэр буруйу оҥоруу туһунан 3 иһитиннэрии бэлиэтэннэ. Кинилэр бары процессуальнай бэрэбиэркэлэрэ уонна…
Ахсынньы 19 күнүгэр Арассыыйа Бэрэсидьиэнэ Владимир Путин сыллааҕы түмүктэри таһаарар быһа лииньийэтэ улахан пресс-кэмпириэнсийэни кытта…
Ахсынньы 5 күнүгэр Арассыыйаҕа Волонтер күнэ бэлиэтэнэр. Ил Дархан Айсен Николаев эҕэрдэтин тиэртэ. Ытыктабыллаах волонтердар,…
Дьокуускай куорат суута урут сууттана сылдьыбыт, РФ гражданствота суох 55 саастаах эр киһиэхэ уонна 48…
Ахсынньы 5 күнүгэр Амарах санаа күнүн (Доброволец күнэ) бэлиэтээһин чэрчитинэн, «Биир ньыгыл Арассыыйа» баартыйа уонна…