Инновация миниистиринэн Василий Ефимов ананна

Ил Дархан Айсен Николаев ыйааҕынан, Василий Ефимов инновация, цифровой сайдыы уонна инфокоммуникационнай технологиялар миниистиринэн ананна.

Василий Ефимов бу дуоһунаска Анатолий Семеновы солбуйда. Анатолий Семенов СӨ бырабыыталыстыбатын бэрэссэдээтэлин солбуйааччынан анаммыта.

Василий Васильевич Ефимов 2006 сыллааха Ирландия национальнай университетын, Дублин университетскай кэллиэһин бүтэрбитэ. Бу иннинэ араас сылларга «Якутия» венчурнай хампаанньаны, СӨ инновацияҕа сайдыыларын пуондатын салайбыта.