Бүгүн анал байыаннай эпэрээссийэттэн икки нэдиэлэлээх уоппускаҕа кэлбит Дмитрий Прокопьевич Аргунову, биир идэлээхтэрэ, В.А. Петрова аатынан улуустар икки ардыларынааҕы Ньурбатааҕы кырдьаҕастар уонна инбэлииттэр интэринээт-дьиэлэрин кэлэктиибэ көрүстэ.
Биир идэлээхтэрэ байыаһы истиҥник-иһирэхтик көрүстүлэр. Дмитрий Прокопьевич былырыын балаҕан ыйыгар ыҥырыллыбыта. Байыаннай эпэрээссийэҕэ байыастар омугуттан тутулуга суох бары бырааттыы курдуктарын, бэйэ-бэйэлэригэр көмөлөһөллөрүн, өйөһөллөрүн этэр. Тэрийии, хааччыйыы баарын, барыта тиийэрин ыйар, Саха сириттэн көмө тиһигин быспакка тиэрдиллэр диир. Көрсүһүү түмүгэр кыайыы хайаан даҕаны биһиги туспутугар буолуо диэн бигэтик эттэ.
Кэлэктиип байыаска кытаанах доруобуйаны уонна дойдутугар кыайыы көтөллөөх түргэнник эргиллэн кэлэригэр баҕа санаатын тиэртэ итиэннэ сиргэ-уокка илдьэ сылдьарга аналлаах малы-салы туттарда. Дмитрий Прокопьевич кэргэнэ эмиэ интэринээт-дьиэҕэ үлэлиир. Дьиэ кэргэн үс кыра оҕолоох. Биир идэлээхтэрэ мас хайытан, хортуоппуй олордуһан, хомуйсан, тэлгэһэ иһин-таһын ыраастаһан, туох кыалларынан барытынан ситимин быспакка өрүү көмөлөһөллөр.
Бу иннинээҕи күн эмиэ тустаах тэрилтэҕэ үлэлиир Е.Н. Афанасьева Бахмуттан уоппускаҕа кэлбит уолугар кэлэктиип аатыттан утуйар мөһөөччүк уонна тиэримэс туттарбыттара. Екатерина Николаевна өйөбүллэрин иһин уолун аатыттан биир идэлээхтэригэр улахан махталын биллэрдэ.
Улуустар икки ардыларынааҕы Ньурбатааҕы кырдьаҕастар уонна инбэлииттэр интэринээт-дьиэлэрин кэлэктиибэ байыаннай эпэрээссийэ кыттыылаахтарын өйөөһүнү тэрийиигэ көхтөөхтүк кыттар: байыаннай эпэрээссийэ пуондатыгар харчы хомуйан ыыталлар, хас даҕаны хаххалыыр сиэккэни өрдүлэр, 18 сылаас наскыны баайдылар. Биһиги саллааттарбыт дьоруойдуу быһыыларын көмөтүнэн, дойду эрэллээх эркиннээх, дурдалаах-хаххалаах.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…