Интэринээт-оскуолаҕа тахсыбыт түбэлтэни министиэристибэ хонтуруолга тутар
![](https://sakha-sire.ru/wp-content/uploads/2024/01/minobr.jpg)
Өрөспүүбүлүкэтээҕи истибэт оҕолор үөрэнэр интэринээт-оскуолаларыгар тахсыбыт түбэлтэнэн, СӨ Үөрэҕин уонна билимин министиэристибэтэ бэйэтин телеграм-ханаалыгар официальнай кэмэнтээрийин таһаарда.
— Өрөспүүбүлүкэтээҕи истибэт оҕолор үөрэнэр интэринээт-оскуолаларыгар тахсыбыт түбэлтэ СӨ Үөрэҕин уонна билимин министиэристибэтин ураты хонтуруолугар сылдьар. Министиэристибэ түөрт служебнай бэрэбиэркэни ыыппыта уонна оҕолор төрөппүттэрин, оскуола педагогтарын ыҥыран көрсүбүтэ. СӨ ИДьМ ыыппыт бэрэбиэркэтинэн, эрдэ сонуну киэҥник тарҕатар ситимнэргэ оҕолорго хабырдык сыһыаннаһыы туһунан тахсыбыт иһитиннэриилэр бигэргэммэтэхтэрэ. Бэчээккэ саҥа тахсыбыт иһитиннэриилэри кичэллээхтик булгуччу бэрэбиэркэлиэхпит. Күн бүгүн Арассыыйатааҕы Силиэстийэлиир кэмитиэт Саха сиринээҕи управлениета силиэстийэ иннинээҕи бэрэбиэркэни тэрийдэ. Өрөспүүбүлүкэ Үөрэҕин уонна билимин министиэристибэтэ силиэстийэ кырдьыктаахтык ыытылларыгар бары көмөнү оҥоруоҕа.
Оҕо быраабын көмүскээһини хааччыйыыны өрөспүүбүлүкэ Үөрэҕин уонна билимин министиэристибэтэ булгуччу инники күөҥҥэ тутар диэн суруйар.
Сообщить об опечатке
Текст, который будет отправлен нашим редакторам: