Интэриниэккэ 200 тыһыынча киһи мобилизацияланарын туһунан сымыйа сурах тарҕанна

Украина Telegram ханаалларыгар РФ Оборуонаҕа миниистирэ Сергей Шойгу аатыттан сымыйа ыйаах тарҕанна. Манна Арассыыйа 200 тыһыынча олохтооҕо мобилизацияланан эрэрин туһунан суруллубут.  

Арассыыйа ГосДууматын оборуонаҕа кэмитиэтин чилиэнэ Андрей Гурулев иһитиннэрбитинэн, саҥа хомуур буоларыгар ханнык да төрүөт суох. «Биһиги былааммытыгар сыл бүтүөр диэри  быһа холоон 420 тыһыынча хантараагынан сулууспалааччыны хомуйуохтаахпыт диэн баар. Бу бырассыас бара турар», — диэн генерал-лейтенант этэр.

Бэлиитик этэринэн, судаарыстыба хантараагынан сулууспаҕа нобуордааһыҥҥа күүһүн уурар.