Интэриниэт арахсарын туһунан сымыйа сурах тарҕанна

Социальнай ситимнэргэ уонна мессенджердэргэ Арассыыйа  Федерациятын сиригэр-уотугар аҕыйах күҥҥэ интэриниэт ситимэ  арахсарын  туһунан РФ  Цифровой министиэристибэтин пресс-сулууспатын аатыттан иһитиннэрии  тарҕанна.

СӨ инновацияҕа, сыыппара сайдыытыгар уонна инфокоммуникационнай технологияларга министиэристибэтэ  туһааннаах иһитиннэрии олоҕо суоҕун, сымыйа сураҕын  туһунан  иһитиннэрдэ.  РФ  Цифровой министиэристибэтин официальнай саайтыгар уонна аккауннарыгар  интэриниэти араарыы туһунан  иһитиннэрии суоҕун туһунан бэлиэтээтэ.