Интэриниэт нөҥүө атыылаһаары харчытын сүтэрбит

Алдан оройуонун ИДьМ салаатын дьуһуурунай чааһыгар олохтоох киһиттэн үҥсүү киирбит. Ол курдук, түөкүттэргэ түбэһэн 35 тыһ.солк.уордарбытын туһунан үҥсүбүт.

Алдан оройуонун 25  саастаах олохтооҕо массыынатын көлүөһэлэригэр интэриниэт нөҥүө дискэ сакаастаабыт. Атыылааччыны кытта социальнай ситимҥэ кэпсэппиттэр. Ол курдук атыылааччы харчыны тутта да баһыылка трек-нүөмэрин ыытыах буолбут. Эмсэҕэлээччи харчытын тута ыыппыт, ол эрээри сакаастааҕар буолуох трек да нүөмэрин туппатах. Атыылааччы төлөпүөнүн нүөмэрэ арахсыбыт, аккауна сотторуллубут.

Полиция үлэһиттэрэ маннык быһылааннар элбээбиттэринэн сакаас оҥорорго харчы төлүүргэ ыксаабат туһунан сэрэтэр.