Хаартыскаҕа ааптар түһэриилэрэ
Олунньу 15 күнэ – Аҕа дойду тас өттүгэр ытык иэстэрин толорбут интернационалист буойуттар күннэрэ. Афганистантан Сэбиэскэй Сэбилэниилээх күүстэри таһаарыы 36 сылын туолла.
Бу бэлиэ күн сарсыардаттан Дьокуускай куоракка төрөөбүт дойдуларын туһугар олохторун толук уурбут дьоруойдары кэриэстээн, Тыа хаһаайыстыбатын техникумун дьиэтин аттыгар турар интернационалист буойуҥҥа, Кыһыл Сулус уордьан кавалера Владимир Калашниковка анаммыт пааматынньыкка сибэкки дьөрбөтүн ууруутуттан саҕаланна. Ол кэннэ байыаннай дьайыы кыттыылаахтарыгар анаммыт пааматынньыкка Афганистан сэриитин кыттыылаахтара ытык иэстэрин төлөөн сылдьан өлбүт доҕотторун ахтан-санаан, кэриэстээн аастылар, сибэкки дьөрбөтүн уурдулар.
Күн иккис аҥаарыгар бэлиэ күн үөрүүлээх тэрээһинэ буолла. Тэрээһиҥҥэ интернационалист буойуттар, байыаннай дьайыы бэтэрээннэрэ, анал байыаннай дьайыы кыттыылаахтара, кинилэр дьиэ кэргэттэрэ, «Патриоты России», «Юнармия», «Норуот фрона» хамсааһыннар ыччаттара кытыннылар.
Ил Түмэн бэрэссэдээтэлин солбуйааччы Александр Подголов бүгүҥҥү тэрээһиҥҥэ ыччат элбэҕиттэн, патриотическай иитии сөптөөхтүк баран иһэрин уонна эдэр көлүөнэҕэ махтанарын биллэрдэ.
«Бүгүн бу бэлиэ күҥҥэ дойду тас өттүгэр эйэлээх олоҕу олохтуу, ытык иэстэрин төлүү сылдьан өлбүт буойуттары кэриэстии кэлбиккитигэр махтанабын», — диэтэ норуот дьокутаата.
СӨ Ил Дарханын уонна Бырабыыталыстыбатын дьаһалтатын Ис бэлиитикэҕэ департаменын саалайааччыта Александр Трофимов: «Биһиги бүгүн манна интернациолнальнай иэстэрин дойду ис да, тас да өттүгэр төлөөбүт эр санаа уонна хорсун быһыы холобурун көрдөрбүт буойуттарбытыгар махтана кэлэн турабыт. Биһиги хорсун буойуттарбытын ахта-саныы, өйдүү сылдьар ытык иэспит», — диэтэ.
СӨ Сэрии уонна үлэ бэтэрээннэрин сэбиэтин бэрэссэдээтэлэ Вильям Иванов бу бэлиэ күн туох суолталааҕын, сокуон социальнай харысхаллаах буолуутун, Вьетнам, Афганистан сэриилэригэр байыастар кыттыыларын, о.д.а туһунан кэпсээтэ.
«Маннык көрсүһүүлэр суолталара көлүөнэлэри алтыһыннаран, эдэр ыччакка биһиги көлүөнэ туох кыалларын бүтүннүү дириҥник өйдүүрүгэр сытар. Юнармеецтар, кадеттар, ыччат хамсааһыннарын бэрэстэбиитэллэрэ, эһиги, билиҥҥи өйгүт-санааҕыт, бириинсиптэргит бу инники эрээккэ олорор дьоҥҥо олоҕуруохтаах», — диэтэ Вильям Иванов.
Бэлиэ күн тэрээһинин сиэрэ-туома үтүө үгэс быһыытынан эҕэрдэлэринэн, ырыанан-тойугунан түмүктэннэ.
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…