Санкт-Петербурга Саха сирин күннэринэн умнуллубат бэлиэ тэрээһиннэр өрө көтөҕүллүүлээхтик ыытылыннылар.
Ол курдук, Ленинград уобалаһын Кировскай оройуонугар Интернациональнай аллеяҕа саха хорсун буойуттарыгар өйдөбүнньүк мэҥэ таас уурулунна. Бу устуоруйаҕа суолталаах бэлиэ үлэ Саха сирин Бырабыыталыстыбатын уонна Ленинград уобалаһын уопсастыбаннай түмсүүлэрин кыһамньыларынан ситиһилиннэ.
Умнуллубат долгутуулаах тэрээһиҥҥэ мустубут дьоҥҥо Ленинград уобалаһын Бырабыыталыстыбатын бэрэссэдээтэлин тутуу уонна ОДьКХ боппуруостарыгар солбуйааччы Евгений Барановскай салалта аатыттан истиҥ тылларын тиэртэ.
«Биһиги устуоруйаны, саллааттар тустарынан сырдык өйдөбүлү көлүөнэттэн көлүөнэҕэ тиэрдэргэ кыһаллабыт. Ленинград блокадатын, герой-куорат блокадаттан босхолонуутун 80 сылын үүнэр сылга бэлиэтиэхпит. Манна туһуламмыт тэрээһиннэргэ Саха сирин олохтоохторун үөрэ көрсүөхпүт», — диир Евгений Барановскай.
РФ бэрэсидьиэнигэр Саха сирин бастайааннай бэрэстэбиитэлэ Андрей Федотов ахсынньы 2 күнэ Саха сирин уонна Санкт-Петербург дьонугар-сэргэтигэр ураты күнүнэн буолбутун бэлиэтиир.
«Искибиэргэ Санкт-Петербург Бырабыыталыстыбата учуонай-лингвист Семен Андреевич Новгородов аатын иҥэрбитэ. Оттон Кировскай оройуоҥҥа Саха сирин буойуттарын ааттарын үйэтитии тэрээһинэ буолла», — диэн этэр Андрей Федотов. Кини Ленинград уобалаһын олохтоохторугар уонна Бырабыыталыстыбаҕа устуоруйа өйдөбүнньүгүн харыстабылыгар хардарыта сибээстээх үлэлэрин иһин махтанна. «Бу улахан патриотическай бэлиэ түгэҥҥэ кыттар кыах баарыгар махтанабыт. Бүгүн бииргэ ытык дьоммутугар өйдөбүнньүк мэҥэ бэлиэ туруоруллуутугар кытынныбыт. Бу бэлиэ түгэн элбэх киһи өйүгэр-санаатыгар иҥиэҕэ уонна мемориалга хайаан да сылдьыахтара», — диэн этэр Федотов.
Кировскай оройуон баһылыга Юнус Ибрагимов Саха сирин олохтоохторугар бэриниилээхтэрин уонна Ленинград уобалаһын Кировскай оройуонун устуоруйатыгар кылааттарын иһин махтанна.
Ил Дархан уонна СӨ Бырабыыталыстыбатын пресс-сулууспата
Андрей Сорокин (СИА) хаартыскаларга түһэриитэ
Саас харалдьык саҕана тымныыны, хаары-ардаҕы билиммэккэ нуоҕайа үүнэр кэрэчээн ньургуһун сибэккини хоту сир дьоно олоххо…
Бүгүн Аан дойдуга Түмэл күнэ. Бу бэлиэ күнүнэн Емельян Ярославскай аатынан Хотугу норуоттар устуоруйаларын уонна…
Ыам ыйын 18 күнүнээҕи туругунан, Өлүөнэ өрүскэ муус барыыта Нам улууһун сиринэн-уотунан бэлиэтэнэр. Дьону Аллараа…
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…