«Интим өҥөтүнэн” туһанаары 154 тыһыынчатыттан маппыт

Түөкүттэр угаайыларыгар киирэн биэрии тохтообот.

Дьокуускайга 25 саастаах эдэр киһи “интим өҥөтүн” атыылаһаары 154 тыһыынча солкуобайыттан маппыт. Бу туһунан СӨ ИДьМ телеграм-ханаалыгар биллэрэр.  Дьиҥэр, бу бэрт былыргы, дьоҥҥо биллэр түөкүннээһин эрээри, итирик туруктаах эр дьоҥҥо сороҕор билигин даҕаны үлэлиир. “Атыыланар таптал” өҥөтүн оҥоруу туһунан төлөпүөҥҥэ эрийбит киһиэхэ дьахтар “бу аадырыска тиий” диэн ыҥырар. Онтон этиллибит аадырыска тиийбитин кэнниттэн “бу нүөмэргэ харчыта ыыт, оччоҕуна кыыс кэлиэ” дииллэр. Сиэртибэ туругуттан көрөн хаста даҕаны харчытын биллибэт аадырыска уктарыахтарын сөп. Бу курдук арыгы «туманыгар» сылдьар сордоох элбэх үбүн мэҥиэлээн ылыахтарын сөп. Итирик сылдьан саарбах нүөмэрдэргэ эрийэртэн туттуммут ордук.