Хаартыска: сахагов
СӨ Бырабыыталыстыбатын Бэрэссэдээтэлин бастакы солбуйааччы Дьулустан Борисов эрэгийиэннээҕи инвестиционнай килиимэт бырайыагын ырытар мунньаҕы салайан ыытта.
Кини Ил Дархан Айсен Николаев Национальнай инвестиционнай килиимэт рейтинигэр олоҕуран, өрөспүүбүлүкэ балаһыанньатын тупсарыыга, чуолаан, Уһук Илиҥҥи федеральнай уокурукка үс бастыҥ эрэгийиэҥҥэ тахсар сыалы-соругу туруорбутун аҕынна.
Уһук Илин бастыҥ эрэгийиэннэринэн Сахалин, Магадан уонна Амур уобаластара буолаллар. «Ону ситиһэргэ 66,79 баалга турар Саха сирин интегрированнай индексэ кырата 12% тупсуохтаах. Инники сылдьар лиидэр эрэгийиэннэр көрдөрүүлэрин сыллата тупсараллар, ол кинилэр интегрированнай индекстэригэр дьайар. Онон интегрированнай индекси тупсарыыга биһиги сыалбыт кырата 19% тэҥнэһиэхтээх», — диэн премьер-миниистир тоһоҕолоон бэлиэтээтэ. Мунньахха Экэниэмикэ, бырамыысаланнас уонна урбаан министиэристибэлэрин салайааччылара инвестиционнай усулуобуйаны тупсарыыга үлэ хаамыытын туһунан иһитиннэрдилэр. Бырабыыталыстыба урбаанньыт көҕүлээһинин көҕүлүүргэ уонна дьыалабыай усулуобуйаны чэпчэтэргэ, быраабыла уонна хонтуруоллуур үлэни уларытарга уонна уустугу үөскэтэр мэһэйдэри суох оҥорорго этии киллэрдэ. РФ субъектарын 2025 сылга ыытыллар Национальнай инвестиционнай килиимэт рейтинигэр Саха сирэ уопсайа 21, Уһук Илиҥҥи федеральнай уокурукка киирэр эрэгийиэннэр ортолоругар 7 миэстэ буолбута бэлиэтэннэ. Эрэгийиэннээҕи инвестиция стандартын үрдүк хаачыстыбалаахтык олоххо киллэриини бигэргэппит эрэгийиэннэр испииһэктэригэр Саха сирэ эмиэ киирэр. Национальнай рейтиҥҥэ билигин 110 көрдөрүү киирэр, былырыын 70 этэ. Ил Дархан сорудаҕынан эппиэттээх сүрүннүүр дьон эрэгийиэҥҥэ инвестиционнай усулуобуйаны тупсарыыга ураты болҕомтону ууруохтаахпыт», — диэн тэрээһин түмүгүгэр бэлиэтээтэ СӨ Бырабыыталыстыбатын Бэрэссэдээтэлин бастакы солбуйааччы Дьулустаан Борисов.
Сиһилии https://www.sakha.gov.ru/news/16715 сигэнэн билис.
Ахсынньы 6 күнүгэр Амма сэлиэнньэтин «Дружба» успуорт комплексыгар успуорт көрүҥүн бочуоттаах бэтэрээнэ Геннадий Васильевич Окороков…
Дьокуускайга икки эр киһи субуотаҕа балыктыы тахсан баран, дьиэлэригэр төннүбэтэхтэр. Кинилэри көрдүү бэнидиэнньиккэ үс быыһааччы…
Казань куоракка уус-уран гимнастикаҕа Арассыыйа Куубагын күрэхтэһиитэ түмүктэннэ. Онно дойду 20 эрэгийиэниттэн 150-тан тахса бастыҥ…
Erid: 2SDnjduRUSK Ахсынньы 1–21 күннэригэр мета-куйаарга «Сайылык» онлайн-бэстибээл ыытыллыаҕа. Манна көрөөччүлэр Саха сирин ускуустубатын, киинэтин,…
Өлүөхүмэ оройуонун борокуратуурата сибээс туһунан федеральнай сокуон толоруллуутун бэрэбиэркэлээтэ. Бэрэбиэркэ түмүгүнэн, Өлүөхүмэ куоракка уонна тыа…
Ил Түмэҥҥэ ыытыллыбыт төгүрүк остуол кыттыылаахтара өрөспүүбүлүкэ бырабыыталыстыбатыгар Российскай Федерация сиригэр-уотугар үлэлиир Баһаары утары эрэсиим…