Инвестиционнай бырайыактары судаарыстыба өйүөҕэ

Share

РФ Бэрэсидьиэнин Уһук Илин федеральнай уокуругун боломуочуйалаах бэрэстэбиитэлэ Юрий Трутнев бүгүҥҥү мунньахха инвестиционнай бырайыактары олоххо киллэрии бары салааларга хайдах баран иһэрин билсэн баран, арҕаа дойдулар Арассыыйаны утары сааҥсыйаларын аахсыбакка, Уһук Илин сайдыытыгар ханнык даҕаны сарбыйыылар суох буолуохтара диэн эттэ.

«Бары инвестиционнай бырайыактар өйөнүллүбүттэрин курдук, салгыы өйөнүөхтэрэ, олоххо киириэхтэрэ. Бу сыл саҥатыгар биһиги Уһук Илин оҥоһуллубут инвестицияҕа 3 трлн солк. кирбиини ааспыппыт, сотору инвестиционнай бырайыакпыт 3 тыһыынча буолуо, билигин 2,8 тыһыынча курдук», — диэн Юрий Трутнев бэлиэтээтэ.

Кини бары инвестиционнай бырайыактар РФ Бэрэсидьиэнин сорудаҕынан судаарыстыбанан өйөнүөхтэрэ диэн этиитин түмүмктээтэ.

Оттон РФ Уһук Илин уонна Арктика сайдыытыгар миниистирэ Алексей Чекунков Саха сиригэр икки урутаан сайдыы территорията баарын, онно 130 млрд солк. тахса кэриҥнээх инвестициялаах 60-тан тахса инвестиционнай бырайыак олоххо киирэрин эттэ.

«Саха сирэ үгэс курдук хайа-хостуур салаатыгар күүстээх, ол гынан баран бүгүн биһиги саҥа салаалары кытары сибээстээх бырайыактар баалларын көрөбүт уонна саамай сүрүнэ – дьон олоҕун таһымын үрдэтиини кытары сибээстээх бырайыактар. Ол ирбэт тоҥ усулуобуйатыгар Саха сирин киин куоратын уонна атын даҕаны нэһилиэнньэлээх пууннарын киһи табыгастаахтык, сөптөөхтүк олороругар «Речной вокзалы», саҥа отеллары тутуу, саҥа туристическай инфраструктураны тэрийии курдук маастар-былаан чэрчитинэн олоххо киирэр былааннар буолаллар. Бу бырайыактары олоххо киллэрэргэ судаарыстыбаннай өйөбүл быһыытынан 10 млрд. солк. урутаан сайдыыга барыа»,— диэн миниистир Алексей Чекунков бэлиэтээтэ. Ил Дархан Айсен Николаев бүгүн араас бырайыактар көрүлүннүлэр, олор бары өрөспүүбүлкэҕэ ураты суолталаахтар диэн быһаарда.

«Саха сиригэр кэлэр ханнык баҕарар инвестор биһиги усулуобуйабытыгар үлэлээн саҕалыыр, онон биһиги өйөбүлбүтүн уонна сылаас сыһыаммытын ылыахтаах. Саха сирэ төһө даҕаны баайын иһин, килиимэтин усулуобуйатынан уонна тырааныспарын логистикатынан атын эрэгийиэннэри кытары тэҥнээтэххэ, олох мөлтөх балаһыанньалаах. Ол иһин биһиги инвестордарга үчүгэй усулуобуйаны олохтуохтаахпыт. Дойду бэрэсидьиэнэ ылыммыт, Уһук Илин сайдыытыгар быһаарыныытынан, биһиги оннук мэхэньиисим баарын көрөбүт. Биһиги бу бырайыактар дьиҥнээхтии наадаларын, гостиницаттан саҕалаан, тырааныспар-логистика тутуутуттан саҕалаан Саха сиригэр саҥа салаалары – тимир уруудатын хостооһуҥҥа уонна туһаныыга тиийэ – олоххо киллэриэхтээхпит, сайдалларын уонна түмүгэр өрөспүүбүлүкэ дьонун олохторун таһыма сайдарын туһугар», — диэн Айсен Николаев эттэ.

Recent Posts

  • Сонуннар
  • Уопсастыба

ОЛОХ ОЧУРДАРА: Убай

— Ийээ, мин ити ыраах куоракка устудьуоннуу бардахпына эһиги хайдах дьаһанан олоруоххутуй? Вадимнаах Мариша наһаа кыралар,.. —…

9 минут ago
  • Сонуннар
  • Сүрүн

Айсен Николаев Нерюнгригэ өлбүт шахтердар сырдык тыыннарын кэриэстээтэ

Нерюнгри оройуонугар оробуочай сырыытын кэмигэр Айсен Николаев Шахтер күнүгэр анаммыт миитиҥҥэ кытынна. Ил Дархан Алексей…

20 минут ago
  • Интервью
  • Сонуннар
  • Сүрүн

Биир киинэҕэ икки оруолу оонньообут Василий Белолюбскай

Киинэ хас биирдиибит дууһатын кылын таарыйар, долгутар уратылаах буолан, сырдык иэйиини уһугуннарар, араас толкуйу үөскэтэр.…

38 минут ago
  • Сонуннар
  • Уопсастыба

Өймөкөөҥҥө халаан содулун туоратыы

Бу күннэргэ Өймөкөөн улууһугар от ыйынааҕы уонна атырдьах ыйынааҕы халааннартан эмсэҕэлээбит олорор дьиэлэри, социальнай эбийиэктэри, суолу-ииһи,…

1 час ago
  • Култуура
  • Сонуннар

Айан аргыстаах, суол доҕордоох

Хас да эдэр киһи хамаанда тэринэн, куорат олохтоохторугар уонна ыалдьыттарыгар Дьокуускай куорат устуоруйатын сиһилии кэпсиир…

2 часа ago
  • Сонуннар
  • Уопсастыба

«Халлаан каравана» улуустары ситимниэ дуо?

Пилота суох көтөр аппарааттар, дирижабллар уонна экранопланнар инникитин хотугу таһаҕаһы тиэрдии — ол эбэтэр, Сибиир уонна…

2 часа ago