Арассыыйа бырабыыталыстыбата экэниэмикэҕэ инвестицияны киллэриигэ күүскэ үлэлэһэр. Быйыл “ВЭБ.РФ” дойду сайдыытын көрөр судаарыстыбаннай корпорация инвестиционнай бырайыактарга угар харчыта 500 млрд солкуобайга тэҥнэһиэҕэ.
Санатан эттэххэ, былырыыҥҥа диэри корпорация бырайыактары кирэдьииттээһинэ 294 млрд солкуобайынан быһыллар этэ. Быйыл бу сууманы бырабыыталыстыба 500 млрд солкуобайга диэри үрдэттэ, ону таһынан инвестордар бырайыактарга бэйэлэрин харчыларын угууларын 20 бырыһыантан 15 % диэри түһэрдэ.
Онон инвестордар судаарыстыбаннай бырайыактарга кытталлара быдан табыгастаах буолла. Бу туһунан бэҕэһээ бырабыыталыстыба мунньаҕар кэпсэттилэр.
Вице-премьер Дмитрий Григоренко бэлиэтииринэн, инвестордар бырайыактарын кирэдьииттээһиҥҥэ үксүн бу саҥа хайысханы талаллар.
— Судаарыстыба кирэдьиит бырыһыанын субсидиялыыр буолан инвестордарга бу хайысха быдан табыгастааҕа көһүннэ. Инвестиционнай бырайыактар олоххо киириилэригэр да көдьүүстээх буолла. Ону былырыыҥҥы сыл түмүгэ да кэрэһэлиир. Билигин бу хайысханан 18 инвестиционнай бырайыак үлэлиир, уопсайа 1,9 трлн солкуобайдаах 34 бырайыак олоххо киириэхтээх, — диэн иһитиннэрэр кини.
Ыспыраапка быһыытынан эттэххэ, “ВЭБ.РФ” 26 хайысханан үлэлиир. Ол иһигэр микроэлеткроникаҕа, тиэхиньикэни оҥорууга, ньиэби, гааһы таһыыга, туризмҥа, тутууга, коммунальнай хаһаайыстыбаҕа, эми-тому оҥорууга, о.д.а. эйгэлэргэ үлэлэһэр.
Саха сирэ бу корпорация кыттыылаах хас да инвестиционнай бырайыакка илии баттаһан турар. Ол иһигэр оскуолалары, аэропортары тутууга.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…