Хаартыска: А.Сорокин (СИА)
Саха сирин бырабыыталыстыбатын бэрэссэдээтэлин бастакы солбуйааччы Дьулустаан Борисов СӨ инвестицияны тардыыга уонна экспорты өйөөһүҥҥэ ааҕыныстыбатын кэлэктиибигэр саҥа генеральнай дириэктэр Константин Волковы билиһиннэрдэ.
«Константин Алексеевич Волков РФ Омуктар дьыалаларыгар министиэристибэ норуоттар икки ардыларыгар сыһыан судаарыстыбаннай институтун уонна РФ бэрэсидьиэнин иһинэн норуот хаһаайыстыбатын уонна судаарыстыбаннай сулууспа академиятын аспирантуратын бүтэрбитэ. Инвестициялары тардыы эйгэтигэр улахан үөрүйэхтээх, «Мосинжпроект» хампаанньаҕа, Москва уобалаһын сайыннарыы корпорациятыгар, «РИА «Инвестируйте в Россию» АНО, «Новая эра промышленных технологий» САУо үлэлээбитэ”, — диэн Дьулустаан Борисов иһитиннэрдэ.
Бастакы вице-премьер бэлиэтээн эппитинэн, Ааҕыныстыба саҥа салайааччытыгар дьоһуннаах соруктар тураллар: Саха сирин позициятын инвестиция килиимэтин туругун национальнай рейтинигэр үрдэтии; өрөспүүбүлүкэҕэ олоххо киллэриллэр уонна кэскиллээх инвентаризациятын ыытыы; инвестициялар кээмэйдэрин улаатыннарыы уо.д.а.
«Константин Алексеевич үөрүйэҕэ уонна идэтигэр үрдүк таһыма үчүгэй түмүктэри ситиһэргэ көмөлөөх буолуоҕар эрэнэбин. Анааһынынан эҕэрдэлиибин!” – диэтэ вице-премьер.
Саха сирин экэниэмикэҕэ миниистирин солбуйааччы Александр Афанасьев:
«Биһиги Ааҕыныстыбаҕа инвестициялары тардыы эйгэтигэр баай уопуттаах салайааччы кэлбититтэн үөрэбит. Биһиэхэ билигин итинник дьоҕурдаах дьон наадалар”, — диэн Илиҥҥи экэниэмикэ пуорумугар бэлэмнэнии үлэтэ бара турарын, Саха сирэ сыл аайы кыттан, элбэх инвестицияны тардан сөбүлэһиилэр түһэрсиллэллэрин санатта.
«Өрөспүүбүлүкэ Ил Дархана Айсен Сергеевич Николаев туруорбут соруктара бааллар. Биһиги үлэбит – ону толоруу. Күннээҕи үлэлэри сэргэ, биһиги Саха сирин сайдыытыгар сүҥкэн соруктары туруоруохтаахпыт. Саҥа санаалар миэхэ элбэхтэр, ону сэргэ Ааҕыныстыба үлэһиттэриттэн көҕүлээһиннэри күүтэбин. Ону барытан бииргэ олоххо киллэриэхпитигэр эрэнэбин. Өрөспүүбүлүкэ туһугар туох эрэ улаханы уонна кэрэхсэбиллээҕи бары көмөлөөн оҥоруоҕуҥ”, — диэтэ Константин Волков.
Константин Волков Ааҕыныстыба генеральнай дириэктэрин дуоһунаһыгар Ил Дархан Айсен Николаев ыйааҕынан ананна.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…