Андрей Сорокин (СИА) хаартыската
«Саха сирэ» уонна «Саха сирин соҕуруу өттө» урутаан сайдыы резиденнэрин инвестициялааһыннарын уопсай кээмэйэ 197,8 млрд солк. тэҥнэһэр.
Өрөспүүбүлүкэ резиденнэрин ахсаана 71-гэ тиийдэ, 9 тыһыынчаттан тахса үлэ миэстэтэ тэрилиннэ. Бу туһунан СӨ Баһылыгын уонна Бырабыыталыстыбатын пресс-сулууспата иһитиннэрэр.
Уһук Илин эрэгийиэн экэнэмиичэскэй сайдыытын боппуруостарын РФ Бырабыыталыстыбатын Бэрэссэдээтэлин солбуйааччы-РФ Бэрэсидьиэнин Уһук Илиҥҥи федеральнай уокурук боломуочуйалаах бэрэстэбиитэлэ Юрий Трутнев бэрэссэдээтэллээх «тохсунньутааҕы истиилэргэ» дьүүллэстилэр.
СӨ Экэниэмикэтин министиэристибэтигэр Саха сиригэр урутаан сайдыы резиденэрэ 101,41 млрд солк. суумалаах инвестицияны оҥорбуттарын туһунан иһитиннэрдилэр. Былырыын 16 саҥа резидент кэлбитэ. Онон билигин кинилэр уопсай ахсааннара 71-гэ тиийдэ, 9371 үлэ миэстэтэ таһаарылынна. Ол курдук, «Саха сирэ» урутаан сайдыы сиригэр-уотугар 53 сөбүлэһии түһэрсилиннэ. Сөбүлэһиинэн инвестициялааһын уопсай кээмэйэ 85,9 млрд солк. тэҥнэһэр, 2458 үлэ миэстэтэ тэриллэрэ былааннанар. Резиденнэр 7,6 млрд солк. суумалаах инвестицияны оҥорон, 954 үлэ миэстэтин тэрийдилэр.
Оттон «Саха сирин соҕуруу өттө» урутаан сайдыы сиригэр-уотугар 18 сөбүлэһии түһэрсилиннэ. Сөбүлэһии быһыытынан инвестиция уопсай кээмэйэ 112,13 млрд солк. тэҥнэһэр, 9315 саҥа үлэ миэстэтэ тэриллэрэ былааннанар. Билиҥҥитэ 93,9 млрд солк. суумалаах инвестиция оҥоһулунна уонна 8,4 тыһыынча кэриҥэ үлэ миэстэтэ таһаарылынна.
«Уһук Илин сайдыытын бары билиннилэр. Уһук Илин иннин диэки хорутуулаахтык баран иһиэ. Сайдыы сокуоннарга уонна нуорма акталарыгар эрэ олоҕурбат. Сайдыы Магадан уобалаһыгар, Саха сиригэр, Сахалиҥҥа, Хабаровскай кыраайга, Приморьеҕа уонна Еврейскэй автономнай уобаласка үлэлии сылдьар дьоҥҥо тирэҕирэр. Байыаннай дьайыы бара турар. Биһиги Кыайыы экэнэмиичэскэй тирэхтээх буоларын курдук үлэлиэхтээхпит. Аармыйабыт күүстээх дойдуга тирэниэхтээх», – диэн Юрий Трутнев мунньах түмүгэр бэлиэтээн эттэ.
Мунньах чэрчитинэн, хас да хайысхаҕа Саха сирин ситиһиитин туһунан бэлиэтээтилэр. Эрэгийиэн инвестициялары тардыыга, экэнэмиичэскэй сайдыыга, олорор дьиэни тутууга лиидэр буолара билиннэ.
Маны сэргэ мунньахха дойду Бэрэсидьиэнэ Владимир Путин сорудаҕын толоруу тутаах боппуруостарын дьүүллэстилэр, кэлэр сылга үлэ былааннарын көрдүлэр.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…