Ионовтар мүөттээх ыҥырыалара болҕомтону тардар
![](https://sakha-sire.ru/wp-content/uploads/2023/08/io1-1060x596.jpeg)
Ионовтар мүөттээх ыҥырыаны иитиинэн дьарыктаммыттара хаһыс да сыла. Мантан сиэттэрэн, дойду атын эрэгийиэннэриттэн аҕалан мүөттээх ыҥырыаны иитээччилэр элбиэхтэрэ.
Ил Дархан Айсен Николаев командировкаҕа сылдьан Ионовтар хаһаайыстыбаларын кытта билистэ. Ыал хаһаайыстыбата Бүлүү улууһун Дьөккөн нэһилиэгин Лүксүгүн сиригэр-уотугар баар. Ионовтар маны таһынан үүт, эт бородууксуйаларын оҥорон таһаарыынан эмиэ дьарыктаналлар.
![](https://sakha-sire.ru/wp-content/uploads/2023/08/io3.png)
Урбаанньыт Сидор Ионов дьиэ кэргэнэ мүөттээх ыҥырыаны иитиинэн дьарыктаммыта тохсус сыла эбит. Былырыын 500-тэн тахса киилэ мүөтү оҥорбуттар. Оттон быйыл кинилэр тыа хаһаайыстыбатын министиэристибэтин уонна оройуон өйөбүллэрин ылан, Татарстантан 100 ыҥырыа уйатын аҕалбыттар.
![](https://sakha-sire.ru/wp-content/uploads/2023/08/io4-e1691720408941.jpeg)
Айсен Николаев Ионовтар бу дьарыктара сайдан кэҥииригэр тыа хаһаайыстыбатын министиэристибэтигэр салгыы көмөнү оҥорорго сорудахтаата.
![](https://sakha-sire.ru/wp-content/uploads/2023/08/io2-e1691720439622.jpeg)
Хаһаайыстыба салайааччыта Сидор Ионов Ил Дархаҥҥа үлэни-хамнаһы сиһилии билиһиннэрдэ.
Ионовтар хаһаайыстыбаларын 2015 сыллаахха тэриммиттэр. Үлэ сүрүн хайысхата — сүөһү иитиитэ. Хаһаайыстыбаларыгар 160 төбө сүөһүлээхтэр, итинтэн ыанар ынаҕа — 102. Былырыын Бүлүү улууһугар үүттэн астыыр уонна эт кэнсиэрбэтин оҥорор сыаҕы арыйбыттар.
Бу туһунан сиһилии https://www.sakha.gov.ru/news/front/view/id/3366828 ааҕыҥ.
Бэчээккэ бэлэмнээтэ Эльдар Садовников
Сообщить об опечатке
Текст, который будет отправлен нашим редакторам: