Ипотека: бырапыыскалаах сиргэр хам баайыы

Дьиэ кэргэн ипотекатын бырапыыскалаах эрэ эрэгийиэҥҥэр биэрэр туһунан сокуон 2026 сыл саҥатыгар олоххо киириэн сөп.

Бу туһунан Госдуума үп ырыынагар кэмитиэтин салайааччыта Анатолий Аксаков иһитиннэрдэ. Олоххо киирдэҕинэ Арассыыйа үгүс олохтооҕо бу бырагырааманан дьиэ атыылаһан атын куоракка көһөр кыаҕыттан матар.

2024 сыллаахха дьиэ кэргэн ипотекатынан туһаммыт дьон  50-тан тахса бырыһыаннара Москваҕа, Московскай уобаласка, Санкт-Петербурга, Ленинградскай уобаласка дьиэ ылбыттар. Бу дьонтон  40%-ра бу субъектарга олорботтор.

Бобуу киирдэҕинэ, Москва олохтооҕо Московскай уобаласка бу ипотеканан дьиэ ылара кыаллыбат буолар.  Ол эрэ буолуо дуо, улахан куораттарга көһүөн баҕалаах эдэр ыаллар кыһалҕаҕа ылларыыһылар. Дьиэ атыылаһыахтарын иннинэ ханна эрэ бырапыыскаланыахтарын наада, ону кытта уора-көстө бырапыысканы оҥорторуу эмиэ элбииригэр тиийэр.