Хаартыска: М.Васильева (СИА)
Бу кэмҥэ бааҥҥа уурунуу харчылар дойду олохтоохторугар барыыһа суох буолуохтара, онтон ипотека кирэдьииттэрэ чэпчиэхтэрэ. РФ Киин Баана сүрүн ыстаапканы 20%-тан 18%-ҥа диэри түһэрдэ, диэн эспиэрдэр эттилэр.
«Бааннар инники түһэн, ипотека ыстаапкаларын түһэрэн саҕалаатылар, ол эрээри кирэдьиит бырыһыана син биир үрдүк, — диэн кэпсээтэ Арассыыйатааҕы риелтордар гильдияларын ипотекаҕа кэмитиэтин чилиэнэ Ирина Киселева. — Билигин ырыынак ыстаапкалара 20-30,2% тураллар, оттон сүрүн ыстаапка түспүтүн кэннэ, арааһа, 18-28%-ҥа диэри намтыахтара. Чэпчэтиилээх бырагыраамалар, биллэн турар, уларыйыахтара суоҕа, арай бааннар аахсыйанан саҥа этиилэри киллэрбэтэхтэринэ». Бу туһунан aif.ru суруйар.
Арассыыйатааҕы салайааччылар уонна тутааччылар гильдияларын аналитикаҕа кэмитиэтин салайааччыта Михаил Хорьков сүрүн ыстаапка түһүүтэ үгүстэри эрэллээбитин кытта сөбүлэһэр. Ол гынан баран, ирдэбил дьиҥнээхтик сэргэхсийиитэ сарсын буолбакка, 2026-2027 сылларга буолуоҕа. Онуоха ирдэбил саҥа дьиэлэргэ эрэ буолбакка, «вторичкаҕа» эмиэ үрдүөҕэ. «Кэлэр сылга тутааччыларга күүстээх күрэстэһии баар буолуон сөп — күүтэн олорор кыбартыыра атыылаһааччы элбэх, — диэн быһаарда эспиэр. — Билигин атыылаһааччылар да, атыылааччылар да үгүстэрэ кэтэһэр балаһыанньаны ылынан олороллор. Кинилэр кириисис туһунан саҥарбат буоллахтарына ырыынакка тахсыахтара уонна балаһыанньа тосту уларыйыаҕа».
Билигин, орто ыалга анаан саҥа дьиэҕэ биир хостоох кыбартыыраны холобур оҥорон көрдөххө, Дьокуускайга эбийиэк сыаната — 7,5 мөл. солк. кэриҥэ. Бастакы усунуос 20%-тан саҕаланар, онон ипотекаҕа дьиэни 6 мөл. солк. ылыллар. Кирэдьиит болдьоҕо — 13-30 сылга. Өскөтүн кирэдьиит ылааччы судаарыстыба өйөбүллээх ипотека усулуобуйатыгар сөп түбэспэт буоллаҕына уонна сылга 18% ыстаапкалаах саҥа усулуобуйанан ипотеканы ыллаҕына, кини ый аайы төлөбүрэ 48 тыһ. солк. буолар. Ол аата, кирэдьиит ылааччы атын иэһэ-күүһэ суох буоллаҕына, ыйдааҕы дохуота 120 тыһ. солкуобай буолуохтаах. Ити курдук, сүрүн ыстаапка 2% түһүүтэ кирэдьиит ылааччылар дьиэ-уот атыылаһар кыахтарыгар улаханнык дьайбата көстөр. Онон Саха сирин олохтоохторугар оҕолоноллоругар эбэтэр идэлэрин IT-исписэлиискэ уларытарга эрэ тиийэллэрэ ирдэнэр.
Бүгүн, ахсынньы 21 күнүгэр, өрөбүллээҕи Оһуокайбытыгар Эҥсиэли түмсүүтүттэн инники кэскиллэрбит, ыччаттар киирэн алгыстаах Оһуокай түһүлгэтин…
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…