Хаартыска: РИА /Новости.
Миниистирдэр кэбиниэттэрэ элбэх оҕолоох дьиэ кэргэттэргэ ипотека төлөбүрүгэр Уһук Илин уокурукка үп-харчы көрдө.
«Арассыыйа бырабыыталыстыбата өссө 540 мөлүйүөн солкуобайы элбэх оҕолоох төрөппүттэр ипотекаларын төлөөһүҥҥэ көрүөҕэ, бу 1,2 тыһыынча ыалга көмөлөһөргө тиийиэхтээх», — диэн Уһук Илиҥҥи эрэгийиэннэргэ өйөбүл туһунан Арассыыйа бырабыыталыстыбатын мунньаҕар бырабыыталыстыба бэрэссэдээтэлэ Михаил Мишустин иһитиннэрдэ.
ТАСС иһитиннэрбитинэн, «элбэх оҕолоох ыалларга ипотекаларын төлүүргэ 450 тыһыынча солкуобай биир кэмнээх төлөбүр төлөнөрүн, оттон Уһук Илиҥҥи эрэгийиэннэргэ сууманы 1 мөлүйүөн солкуобайга диэри улаатыннарбыттарын аҕынна. Мэхэньиисим улахан көдьүүстээх буолара дакаастанна. Бырагыраамаҕа кыттар эрэгийиэннэргэ барыларыгар кэриэтэ үп ирдэнэр. Бу дьаһал ыытыллар кэмигэр икки тыһыынчаттан тахса ыалга үп-харчы көрүллүбүтэ, бииргэ үбүлээһин чэрчитинэн бу сыалларга федеральнай бүддьүөттэн 800 мөлүйүөнтэн тахса солкуобай көрүллүбүтэ. Бүгүн өссө 1200 кэриҥэ элбэх оҕолоох төрөппүт үп-харчы көмөтүн ылыан сөп диэн 540 мөлүйүөн кэриҥэ солкуобайы көрөр боппуруоһу көрүөхпүт. Экэнэмиичэскэй бэлиитикэбит, национальнай бырайыактарбыт бары ситимнээхтэр», — диэн бырабыыталыстыба баһылыга Михаил Мишустин бэлиэтээтэ.
Уһук Илин уонна Арктика судаарыстыбаннай сулууспатыгар уонна сайдыы институттарыгар анаан каадыры бэлэмниир «Муравьев-Амурский - 2030»…
Кулун тутар ыйыгар киинэ тыйаатырдарыгар «Олох түгэннэрэ» киинэ тахсыаҕа. Бу киинэ биллэр сериал түмүктүүр чааһа…
Тохсунньу ыйга өрөспүүбүлүкэ дьарыктаах буолуу кииннэрин нөҥүө байыаннай дьайыы 10 кыттыылааҕа уонна кинилэр дьиэ кэргэттэрин…
«Ты в игре» Бүтүн Арассыыйатааҕы успуорт бырайыактарын куонкуруһун VI-с сезона саҕаламмытын туһунан успуорт миниистирэ, Арассыыйатааҕы…
Тохсунньу 30 күнүгэр Дьокуускай куорат Сир сыһыаннаһыыларын ааҕыныстыбатыгар байыаннай дьайыы кыттыылаахтарыгар сир учаастактарын түҥэтии буолан…
Үрдүк категориялаах фтизиатр-быраас, мэдиссиинэ билимин дуоктара, суруйааччылар холбоһуктарын чилиэнэ Валериан Парфеньевич Николаев 1951 сыллаахха олунньу…