Ипотека ыстаапката хаһан түһүөй?

«Дом.РФ» баан сабаҕалыырынан, Арассыыйа Киин Баанын сүрүн ыстаапката соторунан сыыйа намтаан барыа. Ол түмүгэр ырыынак ипотеката дьоҥҥо-сэргэҕэ ордук табыгастаах буолуоҕа. Бу туһунан Баан ипотекаҕа салаатын салайааччыта Игорь Руденко иһитиннэрдэ.

«2026 сылга биһиги Киин Баан сүрүн ыстаапката сыыйа намтыырын күүтэбит. Бу ырыынак ипотекатын дьоҥҥо-сэргэҕэ ордук табыгастаах оҥоруоҕа. Онуоха сүрүн ыстаапка намтааһына чэпчэтиилээх бырагыраамаларынан бэриллэр ипотека кээмэйигэр дьайыа суоҕа диэн көрөбүт», — диэн Игорь Руденко санаатын үллэһиннэ. Бу туһунан РИА Новости иһитиннэрэр.

Руденко санаатынан, ырыынакка бэриллэр ипотека кээмэйэ улаатарыгар тиэрдиэҕэ. Оттон чэпчэтиилээх бырагыраамалар ордук тус сыаллаах буолан, дьон-сэргэ социальнай өттүнэн көмүскэллээх араҥатын ирдэбилин өйүү туруохтара. Икки тэҥинэн сайдыыта ипотека уопсай кээмэйин бигэ туруктаах оҥоруоҕа. Оттон ырыынакка чөл күрэстэһии баара ипотека ылааччыларга анаан өссө табыгастаах усулуобуйалаах бородуукталар үөскүүллэригэр көмөлөһүөҕэ.