Ипотека ыстаапката уларыйбат

Арассыыйа бааннарын үгүс өттө, Киин Баан сүрүн ыстаапкатын боппуруоһугар кэлэр мунньаҕар диэри, ипотека ыстаапкатын намтатыыны былааннаабаттар. Бу туһунан бааннар пресс-сулууспалара иһитиннэрдилэр.

«ВТБ пресс-сулууспата иһитиннэрбитинэн, салгыы уларыйыылар тустарынан быһаарыылар ырыынак балаһыанньатыттан уонна Киин Баан дьайыыларыттан тутулуктанан ылыныллыахтара», — диэн РИА Новости суруйар.

«Сбер» эмиэ Киин Баан быһаарыыларын кэтэһэр. Ити ортотугар, «Сбер» сүрүн ипотека бырагырааммаларыгар ыстаапканы номнуо 7 төгүл намтаппыта. Ол кэмҥэ атын бааннар бэрэстэбиитэллэрэ ипотека ыстаапкатын намтатар былааннара суоҕун туһунан биллэрдилэр. Итинник санааны «Т-Банк», «Дом.РФ» уонна «Совкомбанк» курдук тэрилтэлэр иһитиннэрдилэр.