«ИрАэро» авиахампаанньа сөмөлүөтэ көтөн иһэн аана аһыллыбыт

25 киһини тиэйэн испит «ИрАэро» авиахампаанньа сөмөлүөтүн аана көтөн истэҕинэ аһыллыбыт.

Маннык ыксаллаах быһыы-майгы сөмөлүөт халлааҥҥа хас да килэмиэтир үөһээнэн көтөн истэҕинэ тахсыбыт. Сөмөлүөт иһигэр 25 киһи баара. Көтөн истэхтэринэ, таһаҕас тиэйэр отсекка баар аан (люк) эмискэ аһыллыбыт.  АН-26-100 сөмөлүөт Маҕантан—Магадаҥҥа олохтоох бириэмэнэн күнүс 14.00 чааска көппүт. Хата, дьолго, 25 киһиттэн ким да эмсэҕэлээбэтэх. Арай сорох дьон кэтэн олорбут бэргэһэлэрэ халлаан куйаарыгар көппүт. Ыксаллаах быһыы-майгы тахсаатын кытта пилоттар сөмөлүөтү сиргэ түһэрэргэ быһаарыммыттар. Тырааныспар борокуротуурата бэрэбиэркэни ыытар.