Ил Дархан Айсен Николаев “Байыаннай сулууспалаахтар дьиэ кэргэттэрин өйүүр миэрэлэр туһунан” ыйааҕар олоҕуран, анал байыаннай эпэрээссийэ кыттыылааҕын 250 устудьуон оҕото өйөбүл миэрэлэринэн туһанар. Бу туһунан брифинг кэмигэр үөрэх уонна билим миниистирэ Ирина Любимова иһитиннэрдэ.
“Күн бүгүн үрдүк уонна орто үөрэх устудьуоннарыгар үрдэтиллибит истипиэндьийэни көрүүгэ 250 сайабылыанньа киирдэ, ол иһигэр 74 сайабылыанньа — үрдүк үөрэх тэрилтэ устудьуонуттан. Үрдэтиллибит истипиэндьийэ кээмэйэ 5 607 солк. тэҥнэһэр. Маны тэҥэ, тус сыаллаах үөрэххэ 102 дуогабар түһэрсилиннэ”, — диэн миниистир эттэ.
Ил Дархан ыйааҕар олоҕуран, СӨ Үөрэҕин уонна билимин министиэристибэтэ анал байыаннай эпэрээссийэ кыттыылаахтарын устудьуон оҕолорун өйүүр икки миэрэни көрөр. Бу – өрөспүүбүлүкэ бүддьүөтүн суотугар үрдүк уонна орто үөрэх тэрилтэлэригэр тус сыаллаах үөрэххэ бастакы уочаратынан дуогабары түһэрсии уонна устудьуон үөрэҕин ситиһиититтэн тутулуга суох үрдүк, орто үөрэх тэрилтэлэрин устудьуоннарыгар үрдэтиллибит истипиэндьийэни көрүү. Тус сыаллаах үөрэххэ дуогабардаспыттар, үөрэхтэрин бүтэрдэхтэринэ өрөспүүбүлүкэ иһинээҕи тэрилтэлэргэ үлэҕэ киирэллэрэ мэктиэлэнэр.
Санатан эттэххэ, сайабылыанньаны МФЦ офистарыгар эбэтэр e-yakutia судаарыстыбаннай уонна муниципальнай өҥө порталын нөҥүө биэриэххэ сөп.
Ил Дархан уонна Бырабыыталыстыба пресс-сулууспата.
Сунтаар улууһугар итирик туруктаах уруулга иккиһин олорбут олохтоох дьахтарга суут бириигэбэрин таһаарда. Дьахтар ити иннинэ…
Биэнсийэни анааһыҥҥа ийэлэр бары оҕолорун көрбүт кэмнэрин ахсаанынан хааччахтааһына суох учуоттуур буолуохтара. Бу хос ааҕыы…
Саха сиригэр суукка иһигэр 3 буруйу оҥоруу тахсыбыта бэлиэтэннэ. Бу туһунан СӨ Борокуратууратын пресс-сулууспата суруйар.…
Бүгүн, ахсынньы 24 күнүгэр, киин куорат уокуруктарынан уонна сорох улуустарынан быстах кэмҥэ өрөмүөн үлэтинэн сибээстээн,…
Күн астрономиятын лабораторията ахсынньы 24 күнүнээҕи геомагнитнай хамсааһын сабаҕалааһынын таһаарда. Лаборатория дааннайдарынан, ахсынньы 24 күнэ…
Cаха сирин синоптиктарын сабаҕалааһыннарынан бүгүн, ахсынньы 24 күнүгэр, Арктика кытылынан сорох сиринэн хаардыыр. Бу туһунан…