СӨ үөрэҕин уонна билимин миниистирэ Ирина Любимова олунньу 1 күнүгэр суруналыыстарга брифинин кэмигэр быстах ыҥырыынан, хантараагынан уонна тус баҕанан байыаннай дьайыыларга кытта сылдьар дьоммут дьиэ кэргэттэригэр өйөбүл биэс көрүҥэ оҥоһулларын туһунан быһааран кэпсээтэ.
— Байыаннай дьайыыларга кытта сылдьар дьоммут оҕолоро, барыта 1 080 оҕо, оҕо саадыгар сылдьыыларын иһин төлөбүртэн босхолоннулар.
Байыаннай дьайыы барар турар сиригэр сулууспаҕа сылдьар аҕалаах эбэтэр сокуоннай бэрэстэбиитэллээх 5-11 кылааска үөрэнэр барыта 1 170 үөрэнээччи босхо аһылыгынан хааччылынна.
Оҕону чэбдигирдэр лааҕырдарга босхо путевканы биэриигэ, ол иһигэр сылы эргиччи — Дьокуускайга «Бэс Чагдаҕа», Сунтаарга Кэмпэндээйи нэһилиэгэр «Сир уустарыгар» — санаторийдарга сынньаналларыгар барыта 1 246 быһаарыы ылылынна.
Маны таһынан, байыаннай эпэрээссийэҕэ кытта сылдьар дьоммут дьиэ кэргэттэрин чилиэннэриттэн тус сыаллаах үөрэтиигэ ылыыга дуогабардары түһэрсии салҕанар. Бүгүҥҥү күҥҥэ идэҕэ уһуйар орто уонна үрдүк үөрэх тэрилтэлэрин кытта итинник 102 быһаарыы ылылынна.
Байыаннай эпэрээссийэ кыттыылааҕын идэҕэ уһуйар үрдүк уонна орто үөрэх кыһатыгар үөрэнэ сылдьар оҕотугар, барыта 305 устудьуоҥҥа, үрдээбит истипиэндьийэ төлөнөр. Ил Дархан Ыйааҕынан олохтоммут бу истипиэндьийэ оҕо үөрэҕин ситиһиилэриттэн тутулуга суох төлөнөр.
Байыаннай эпэрээссийэ кыттыылааҕын дьиэ кэргэниттэн туһааннаах киһи маннык өйөбүлүнэн туһаныыга Элбэх өҥөнү оҥорор киин нөҥүө эбэтэр e-yakutia.ru судаарыстыбаннай уонна муниципальнай өҥөлөр анал порталларынан биир кэлим электроннай сайабылыанньаны биэрэн, өйөбүлү ылар кыахтаах.
Бүгүҥҥүттэн православнай христианнарга Улуу пост иннинээҕи бырааһынньык - Масленица саҕаланна. Саха дьоно төһө да бары…
Олунньу 21 күнүгэр Саха Өрөспүүбүлүкэтин Судаарыстыбаннай Үүнэр көлүөнэ тыйаатыра байыаннай дьайыы кыттыылаахтарын хорсун быһыыларын үйэтитэр…
Бүгүн Креативнай индустрия кэллиэһигэр Аҕа дойду тас өттүгэр ытык иэстэрин толорбут интернационалист буойуттар күннэригэр уонна…
РИА-Новости иһитиннэрэринэн, Санкт-Петербург куоракка эбсийээнэ уоспатынан ыалдьыы икки түбэлтэтэ бэлиэтэммит. Уобаластааҕы Роспотребнадзор чахчыларынан, Таиланд Королевствотыттан…
ИДьМ Чурапчытааҕы салаатын дьуһуурунай чааһыгар түөкүннээһиҥҥэ түбэспит киһиттэн сайабылыанньа киирбит. Ол курдук эр киһи саппаас…
Билигин бырааска тэйиччиттэн суруттарар кыах баар буолла. Электроннай больничнайы эмиэ маннык оҥорторуохха сөп. Ол барыта…