В.Кривошапкина хаартыската
Үөрэх уонна наука миниистирэ салайааччылаах бөлөх Харбалаах бөһүөлэгэр кэлэн, мустубут нэһилиэнньэ иннигэр отчуоттаата.
Бу олус таһымнаах бөлөххө икки миниистир — салайааччы, Үөрэх уонна наука миниистирэ Ирина Павловна Любимова, ыччат миниистирэ Петр Витальевич Шамаев (бэйэтин баҕатынан), экэниэмикэ миниистирин солбуйааччы Мария Михайловна Аргунова, успуорт миниистирин солбуйааччы Александр Николаевич Бугаев, доруобуйа харыстабылын миниистирин солбуйааччы Любовь Степановна Бурнашева, СӨ нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэт солбуйааччы бэрэссэдээтэлэ Иннокентий Михайлович Андросов, ОДьКХ уонна энергетика министиэристибэтин департаменын салайааччы Айсен Егорович Кирсанов, архитектура управлениетын отделын салайааччы Алена Николаевна Капитонова, «Массыына суоллара» ГКУ эксплуатация отделын начальнигын солбуйааччы Семен Иннокентьевич Павлов кыттыыны ыллылар.
Миниистир Ирина Павловна Любимова Н.Е.Мординов-Амма Аччыгыйын аатынан үөрэхтээһин холбоһугар сылдьан, икки үтүөлээх учууталлары:Валентина Викторовна Блахированы, Валентина Семеновна Кривошапкинаны кытары анаан көрүстэ. Үүммүт Педагог уонна уһуйааччы сылынан эҕэрдэлээтэ. Уһун таһаарыылаах үлэлэрин иһин махтанна, доруобуйаны, ситиһиилээх үлэни баҕарда уонна эҕэрдэ суругу кытта Үөрэх министиэристибэтин 100 сылынан тахсыбыт «Образование — важнейший фактор развития Республики Саха(Якутия)» кинигэни бэлэхтээтэ.
Салгыы нэһилиэнньэ иннигэр отчуоттаатылар, нэһилиэк олохтоохторун ыйытыыларыгар сөптөөх хоруйу биэрдилэр, туруорсуулар олоххо киириилэригэр үлэлэһиэхпит диэн эрэннэрдилэр. Олохтоохтор бырабыыталыстыба үлэтин сөптөөҕүнэн, «үчүгэйинэн» сыаналаатылар.
Валентина КРИВОШАПКИНА, ааптар хаартыскалара
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …