Хаартыска: minobrnauki.sakha.gov.ru саайтан.
Өрөспүүбүлүкэтээҕи үөрэх үлэһиттэрин Атырдьах ыйынааҕы мунньахтарын иитинэн, үөрэх уонна билим миниистирэ Ирина Любимова идэҕэ бэлэмниир үөрэх тэрилтэлэрин үлэһиттэрин кытта мунньахтаата.
— Педагог уонна уһуйааччы сыла сэргэхтик уонна таһаарыылаахтык ааһан эрэр. Ааспыт үөрэх дьылыгар үгүс тэрээһиннэр ыытылыннылар. Кэлэр даҕаны үөрэх дьыла туһалаахтык, интэриэһинэйдик аастын, — диэн баҕа санаатын тиэртэ.
СӨ Идэҕэ урутаан бэлэмниир киин дириэктэрэ Владислав Хабаров 2020-2023 сылга үөрэҕи бүтэрбит дьон үлэнэн хааччыллыылларын кэтээн көрүү түмүгүн билиһиннэрдэ. Быйыл үөрэҕи бүтэрбиттэр үлэнэн хааччыллыылара 97 % тэҥнэспит. Ордук Дьокуускайдааҕы мэдиссиинэ кэллиэһин, П.П. Романов аатынан Дьокуускайдааҕы ойуулуур-дьүһүннүүр искусство училищетын, И.Е. Винокуров аатынан Намнааҕы педагогическай кэллиэһи, С.Ф. Гоголев аатынан Дьокуускайдааҕы педагогическай кэллиэһи бүтэрбиттэр үлэ булбуттар.
Үөрэххэ ылыы хампаанньатын үлэтин түмүгүн СӨ Билимҥэ, профессиональнай үөрэхтээһиҥҥэ уонна тус сыаллаах бэлэмнээһиҥҥэ судаарыстыбаннай бэлиитикэ департаменын салайааччыта Иннокентий Оконешников билиһиннэрдэ. Ол курдук, Саха сирин бүддьүөтүн суотугар орто анал үөрэх 42 тэрилтэтигэр 2023-2024 үөрэх дьылыгар 6712 миэстэ көрүллүбүт. Орто үөрэхтэргэ барыта 25 тыһ. тахса сайабылыанньа киирбит. Ордук элбэх сайабылыанньа Дьокуускайдааҕы мэдиссиинэ кэллиэһигэр, И.И. Фадеев аатынан Дьокуускайдааҕы үп-экэниэмикэ кэллиэһигэр, С.Ф. Гоголев аатынан Дьокуускайдааҕы педагогическай кэллиэскэ, Дьокуускайдааҕы тыа хаһаайыстыбатын тиэхиньикумугар киирбит. Бу туһунан СӨ Үөрэҕин уонна билимин министиэристибэтин пресс-сулууспата суруйар.
Бүгүн, ахсынньы 21 күнүгэр, өрөбүллээҕи Оһуокайбытыгар Эҥсиэли түмсүүтүттэн инники кэскиллэрбит, ыччаттар киирэн алгыстаах Оһуокай түһүлгэтин…
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…