Хаартыска: СӨ Үөрэҕин уонна билимин министиэристибэтэ.
СӨ Үөрэҕин уонна билимин миниистирэ Ирина Любимова орто анал үөрэх тэрилтэлэрин салайааччыларын кытта мунньах ыытта.
Саха сиригэр демонстрационнай эксээмэн көрүҥүнэн 2022-2023 үөрэх дьылынааҕы промежуточнай уонна судаарыстыбаннай түмүктүүр аттестация тэрээһинэ бара турарын иһитиннэрдэ.
Саха сиригэр 2020-2022 сыллааҕы демонстрационнай эксээмэн анаалыһын Идэҕэ бэлэмниир үөрэҕи сайыннарар институт дириэктэрэ Лилия Иванова билиһиннэрдэ.
“Кэлиҥҥи 2020, 2021, 2022 сылларга демонстрационнай эксээмҥҥэ кыттааччы ахсаана эбиллибитэ бэлиэтэнэр. Сатабыл (компетенция) ахсаана эрэгийиэҥҥэ эбиллэр – 59, исписээлинэһинэн 16-тан 60 диэри. Хаачыстыба өттүнэн дьаҥ саҕаланыаҕыттан, 2020 сылтан урукку таһымынан турар. Маннык үтүө түмүгү “Үөрэхтээһин” национальнай бырайыакка кыттан ситистибит”, —диэн Лилия Иванова эттэ.
Онтон 2022-2023 үөрэх дьылынааҕы тэрээһин хаамыытын туһунан Идэҕэ бэлэмниир үөрэҕи сайыннарар институт старшай методиһа Петр Соловьев иһитиннэрдэ. “2023 сылга тустаах эксээмэни 2708 киһи туттарар. Итинтэн демонстрационнай эксээмэн базовай таһымын 1486, профильнай таһымын 1222 киһи. Быйылгыттан “Профессионалитет” федеральнай бырайыак иитинэн үлэлиибит”, — диэтэ.
Орто анал үөрэҕи бүтэрбиттэр үлэнэн хааччыллыыларын кэтээн көрүүнү СӨ Идэҕэ урутаан бэлэмниир киин дириэктэрэ Владислав Хабаров билиһиннэрдэ. “Үөрэҕи бүтэрбиттэртэн 2020-2022 сылларга үлэҕэ киирбит дьон ахсаана 5,4 % эбилиннэ. Ордук Нерюнгритааҕы мэдиссиинэ кэллиэһин, Арктикатааҕы хотугу норуоттар кэллиэстэрин, Дьокуускайдааҕы мэдиссиинэ кэллиэһин, уо.д.а. үөрэх тэрилтэтин бүтэрбиттэр үлэнэнэ хааччыллыбыттар. Идэлэринэн ылан көрдөххө маннык: теплоснабжение уонна теплотехническай тэрил, сиэстэрэ дьыалата, эмчит дьыалата, оскуола иннинээҕи үөрэх, асчыт дьыалата уо.д.а. исписээлинэстэр”, — диэн Владислав Хабаров бэлиэтээтэ.
2023 сылга орто анал үөрэх устудьуоннарыгар ыытыллар Бүтүн Арассыыйатааҕы бэрэбиэркэлиир үлэ туһунан Билимҥэ, идэҕэ үөрэтии уонна тус сыаллаах бэлэмнээһин судаарыстыбаннай бэлиитикэтин департаменын салайааччыта Иннокентий Оконешников кэпсээтэ. “Тохсус кылаас кэнниттэн орто анал үөрэххэ киирбит устудьуоннар бырагыраамаларыттан көрөн араас эксээмэннэри туттарыахтара. Өскөтүн кинилэр квалификациялаах сулууспалаахтары бэлэмниир бырагырааманан киирбит буоллахтарына, метапредметнай бэрэбиэркэлиир үлэни туттараллар. Оттон орто звено исписэлиистэрин бэлэмниир бырагырааманан киирбит түгэннэригэр — хайысхаларынан биридимиэттэри. Манан устудьуоннар хаалбыт билиилэрин бэрэбиэркэлэнэр”, — диэн Иннокентий Оконешников этэр.
Санатан эттэххэ, демонстрационнай эксээмэн норуоттар икки ардыларынааҕы ирдэбилгэ сөп түбэһиннэрэн, эспиэртэр уонна үлэ биэрээччилэр үөрэҕи бүтэрээччилэр сорудаҕы толорууларын сыаналыыр соруктаах сыллата ыытыллар. Мантан устудьуон дьиҥнээх оҥорон таһаарар усулуобуйаҕа идэҕэ сатабыла көстөр.
СӨ Үөрэҕин уонна билимин пресс-сулууспата.
Бу күннэргэ Дьокуускайга Арчы дьиэтигэр сырдык санааны саҕар ис хоһоонноох дьоро тэрээһин буолан ааста. Бу…
Ааһан эрэр сыл ахсынньы 18 күнүгэр "Ника" банкеттыыр саалаҕа "Ситим" өрөспүүбүлүкэ көҥүл суруйааччыларын сойууһун уопсастыбаннай…
Ийэ айылҕабыт бэйэтэ анаан үүннэрэр эмтээх отун-маһын көдьүүстээхтик туһаныы билиҥҥи кэмҥэ ордук суолталанна. Бүгүн ааҕааччыларбытыгар…
Уус Алдаҥҥа Бэрт Ууһугар (баһылык И.П.Ильин) нэһилиэккэ дьоҥҥо-сэргэҕэ тиэйэргэ диэн анаан муус ылан бэлэмнээн кэбиһэр үтүө үгэстээхтэр.…
81 сыл буолан баран, эһээтин уҥуоҕун булбут байыас Валерий Петровка байыаннай сулууспа диэн тус…
Бүгүн субуота, сынньалаҥ үтүө күнэ. Ыксаабакка, сүүрбэккэ-көппөккө, дуоһуйа сынньаныҥ. Чугас дьоҥҥут аттыгар буолуҥ, сүрэххит этэрин…