Хаартыска: СӨ Үөрэҕин уонна билимин министиэристибэтин пресс-сулууспата.
Бэҕэһээ дойду бэрэсидьиэнэ Владимир Путин РФ Федеральнай Мунньаҕар туһаайыыларын тиэртэ. СӨ Үөрэҕин уонна билимин миниистирэ Ирина Любимова үөрэх тула этиилэргэ санаатын үллэһиннэ.
— Владимир Путин РФ Федеральнай Мунньаҕар туһаайыытыгар дойду бары салааларын сайыннарыыга сүрүн стратегическай соруктары бэлиэтээтэ.
Улахан салаа Арассыыйа экэниэмикэтэ бөҕө, туруктаах буолуутугар ананна, араас хааччахтары аахсыбакка дойдубут сайдар. Бу үүнэр ыччат төрөөбүт өрөспүүбүлүкэтинэн, дойдутунан киэн туттуутун үөскэтэр, эппиэтинэстээх буолууга сирдиир. Биһиги өрөспүүбүлүкэбитигэр патриотическай тыыҥҥа иитиигэ көдьүүстээх систиэмэ олохсуйбута, ол сүрүн элэмиэннэринэн үөрэх тэрилтэлэригэр, эбии үөрэхтээһиҥҥэ, Юнармияҕа, байыаннай-патриотическай кулууптар ситимнэригэр, көрдүүр-чинчийэр эспэдииссийэлэргэ, о.д.а. иитии систиэмэтэ.
Быйылгы сыл Арассыыйаҕа Педагог уонна уһуйааччы сылынан биллэрилиннэ. Судаарыстыба лидэриттэн: “Учуутал, преподаватель дойду инникитин түстүүргэ быһаччы кыттар уонна төрөппүттэр оҕолоругар учууталга махтаналларын, оттон учууталлар төрөппүккэ ытыктабыл, таптал туһунан элбэхтик этэллэрин туһугар учуутал үлэтин уопсастыбаннай суолтатын үрдэтэр наада” , — диэн тыллары истэр олус үчүгэй.
Бу курдук этиилэр учуутал идэтин суолтатын чахчы үрдэтэллэр. Билигин педагог олоххо улахан суолталаах оруоллаах. Кини хас биирдии оскуола үөрэнээччитин олоҕор тутаах киһинэн буолар. Биһиги өрөспүүбүлүкэбитигэр Педагог уонна уһуйааччы сылын үрдүк таһымнаахтык тэрийэргэ СӨ Бырабыыталыстыбатын бэрэссэдээтэлин солбуйааччы Сергей Васильевич Местников салайааччылаах кэмитиэт тэрилиннэ уонна өрөспүүбүлүкэтээҕи былаан ылылынна.
Үөрэх систиэмэтин инфраструктуратын сайыннарарга бэрэсидьиэн дойду оскуолаларын саҥардыы улахан бырагырааматын туһунан эттэ. Биһиэхэ 2022 сылга “Оскуола систиэмэтин үөрэҕин саҥардыы” федеральнай бырагырааманан 38 оскуолаҕа хапытаалынай өрөмүөн ыытылынна. Араас бырагырааманан 4030 миэстэлээх 17 оскуола уонна 410 миэстэлээх 8 уһуйаан тутулунна. Бу киэҥ сабардамнаах үлэ кэлэр сылларга эмиэ салҕанар. Уопсайынан, Арассыыйа бэрэсидьиэнэ Владимир Владимирович Путин этиитэ, мин санаабар, суолталаах уонна инникигэ эрэллээх, үлэ хайысхаларын бэлиэтээтэ уонна олору сайыннарыыга, инники хардыылыырга суоллары быһаарда. Биһиги бэйэбит өртүбүтүттэн өрөспүүбүлүкэҕэ үөрэх хаачыстыбатын тупсарарга бары усулуобуйаны тэрийэргэ кыһанабыт.
Саҥа дьыллааҕы түүн биэс уол уонна үс кыыс күн сирин көрдүлэр. Бу туһунан өрөспүүбүлүкэ Ил…
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…