Ил Дархан быстах хомуурунан ыҥырыллан барбыт байыаннай сулууспалаахтар дьиэ кэргэттэрин өйүүр балаҕан ыйыгар таһаарбыт дьаһаллара олоххо киирэн үлэлии тураллар. Өрөспүүбүлүкэ үрдүнэн оскуола иннинээҕи уонна оскуола саастаах оҕолордоох саллааттар дьиэ кэргэттэрин өйүүр ханнык миэрэлэр көрүллэн, олоххо киирэ туралларын туһунан СӨ үөрэҕин уонна билимҥэ миниистирэ Ирина Павловна Любимова бу курдук быһааран кэпсээтэ:
— Өрөспүүбүлүкэ Үөрэҕин уонна билимҥэ министиэристибэтэ анал байыаннай эпэрээссийэҕэ ытык иэстэрин толоро сылдьар саллааттар дьиэ кэргэттэригэр социальнай өйөбүл дьаһалларын ылынан, ахсынньы 13 күнүнээҕи туругунан, оскуола уонна оскуола иннинээҕи саастаах оҕолордоох ыалларга өйөбүл 3 көрүҥүн олоххо киллэрэр. Ол курдук, аҕалара анал байыаннай эпэрээссийэҕэ сылдьар кэмигэр: дьиэ кэргэн оҕо саадын иһин ыйдааҕы төлөбүртэн (усунуостан) босхолонор; 5-11 кылааска оҕо босхо аһылыгынан хааччыллар; оҕо 6 сааһын 6 ыйыттан 18 сааһыгар диэри оҕо чэбдигирдэр лааҕырдарыгар босхо путевка көрүллэр.
Ахсынньы 13 күкүнээҕи туругунан, үөрэхтээһин ситимигэр Элбэх өҥөнү оҥорор киин нөнүө киирбит 4005 сибидиэнньэнэн 4338 социальнай өйөбүл дьаһаллара олоххо киирэ тураллар, ол иһиттэн 3209-гар чопчу быһаарыы ылылынна.
Бу кэмнэргэ, ахсынньы 9-18 күннэригэр, Оҕону сынньатар уонна чэбдигирдэр «Сосновый бор» кииҥҥэ «Новогоднее волшебство» симиэнэ ыытылла турар. Аҕалара анал байыаннай эпэрээссийэҕэ кытта барбыт 120 оҕо араас улуустартан кэлэн сынньана сылдьар. Оҕолорго аналлаах араас тэрээһиннэри таһынан кинилэргэ цирк, «Чочур Мыраан» этнографическай комплекс, Оҕо дыбарыаһа уо.д.а. кэлэн бэйэлэрин айымньыларын көрдөрүөхтэрэ.
Сунтаар улууһун Кэмпэндээйи нэһилиэгэр үлэлии турар «Сир уустара» өрөспүүбүлүкэтээҕи үөрэтэр-чэбдигирдэр киин «HappyNewYear» айар симиэнэтигэр ахсынньы 14-24 күннэригэр бу улуус 26 оҕото сынньаныаҕа. Бу уонча күннэргэ оҕолорго, Саҥа дьыл иннинээҕи алыптаах остуоруйа дойдутугар курдук, үөрэ-көтө сынньанар түгэн тосхойуо, доруобуйаларын чэбдигирдэн, көхтөөхтүк сынньанан, бириэмэлэрин туһалаахтык атаарыахтара.
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников дойду Бэрэсидьиэнэ Владимир Путин көҕүлээбит “Олох инфраструктурата”…
Бу күннэргэ Арассыыйа Наукаларын академиятын Сибиирдээҕи салаатын Гуманитарнай чинчийиилэр уонна хотугу норуоттар кыһалҕаларын института тэриллибитэ…
“Уһук Илиҥҥи тиэргэннэри тупсаҕай оҥоруу” федеральнай бырайыагынан Саха сиригэр 17 тиэргэни тупсарыахтара. Ол курдук, бу…
Саха сиринээҕи Саахал мэдиссиинэтин киинин үлэһиттэрэ «Путь воина» күрэхтэһиигэ көмөнү оҥорорго бэлэмнэр. Саахал мэдиссиинэтин киинин…
Арассыыйаҕа 2026 сылтан биэнсийэни индексациялааһын икки түһүмэҕинэн барар буолуоҕа. Бу туһунан Социальнай пуонда бэрэссэдээтэлэ Сергей…
Бэҕэһээ «Путь воина» күрэхтэһии бастакы түһүмэҕэр Саха сирин «Боотур» хамаандата уонна Хабаровскай «Амурские воины» хамаанданы…