Ил Дархан Анал этиитигэр быстах хомуурунан ыҥырыллыбыт байыаннай сулууспалаахтар дьиэ кэргэттэрин өйүүр дьаһаллары салгыы олоххо киллэрэ туруохтаахпыт туһунан эттэ. Өрөспүүбүлүкэ үрдүнэн оскуола иннинээҕи уонна оскуола саастаах оҕолордоох саллааттар дьиэ кэргэттэрин өйүүр ханнык миэрэлэр көрүллэн, олоххо киирэ туралларын туһунан СӨ үөрэҕин уонна наукаҕа миниистирэ Ирина Павловна Любимова бу курдук тус санаатын үллэһиннэ:
— Ил Дархан Айсен Николаев СӨ Судаарыстыбаннай Мунньаҕар туһаайбыт Анал этиитин саҕаланыытыгар байыаннай сулууспалаахтар дьиэ кэргэттэрин өйүүр дьаһаллар тустарынан бэлиэтээн эттэ. Күн бүгүн биһиги биир дойдулаахтарбыт, ыал аҕа баһылыктара аармыйаҕа ыҥырыллан ытык иэстэрин төлүү, сулууспалыы сылдьаллар. Бу уустук кэмнэргэ бүтүн дойду биир сомоҕо буолуохтаах. Биһиги министиэристибэбит бу дьоммут дьиэ кэргэттэригэр төлөбүрдэри көрүүгэ кэккэ дьаһаллары ылыммыта. Ол курдук саллаат дьиэ кэргэнэ оҕо саадын иһин төлөбүргэ, оскуолаҕа босхо аһыырыгар, куруһуоктарга сылдьыыга, анал истипиэндьийэни ылыыга, оҕо үөрэххэ киириитигэр араас чэпчэтиилэр көрүлүннүлэр. Бу барыта улахан суолталаах уонна кэмигэр тутатына оҥоһуллан иһэр хамсаныылар буолаллар.
Ил Дархан Анал этиитигэр туруоллубут сыал, сорук биһиэхэ чопчу өйдөнөр. Үөрэх уонна наука министиэристибэтэ уонна кини дьаһалыгар баар тэрилтэлэр маны өйдөөн туран, өрөспүүбүлүкэҕэ оҕолор хаачыстыбалаах үөрэҕи, билиини ылыыларын бары тиһигин тэрийии боппуруостарыгар боччумнаахтык сыһыаннаһаллар. Үөрэхтээһин эйгэтэ бары өттүттэн — былаас, педагогическай эйгэ, уопсастыба кэтээн көрүүтүн, төрөппүт болҕомтотун өттүлэриттэн утумнаах болҕомто эрэйиллэр. Онон бу үлэбит биир да күн тохтообокко, салгыы ыытыллар.
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…