Ирина Омукова-Күндүлүүнэ: «Уол оҕо»

“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.

Куонкуруспут 75-с кыттааччыта  Сунтар улууһун Бордоҥ нэһилиэгиттэн  Омукова Ирина Петровна — Күндүлүүнэ:

Уол оҕо

Уол оҕо эрэллээх
Уостубат эрчимнээх,
Ийэҕэ, аҕаҕа
Иһирэх сыһыаннаах.

Эркин курдук кытаанах
Эттиин-хаанныын тулуурдаах,
Түһэн биэрбэт туруулаах
Тутар күүстээх иэйиилээх.

Уол оҕо, дьол төрдө
Ууллубат, уостубат,
Төрөппүт дьонугар
Таптала уйаҕас.

Кэскил тардар силистээх
Күн халлаантан арчылаах
Удьуор холбуур аналлаах
Уйгу быйаҥ алгыстаах.

Уол оҕо, тапталбыт
Уох сүппэт сүмэбит,
Эйэҕэс сирдьиппит,
Эстибэт дьулуурбут.

Олох тэлэр суолдьуппут,
Охтубат чиҥ тирэхпит,
Күннүүн хаамсар утахпыт,
Көмүскэллээх хаххабыт.