Иркутскайга худуоһунньук Мира Аргунова быыстапката аһылынна

Худуоһунньук Мира Аргунова Иркутскайга Сукачев уһаайбатыгар «Всевидящее око» диэн быыстапкатын арыйда. Быыстапкаҕа кини 80 үлэтэ турда.

Интэриэһинэйэ диэн, Мира үлэлэрэ инклюзивнай уратылаахтар. Ол эбэтэр, көрбөт уонна мөлтөхтүк көрөр дьоҥҥо аналлаах тифлокомментарийдаах, Брайль азбукатынан суруктардаах уонна илии иминэн хартыынаны тутан көрөр курдук бөлтөркөй сурааһыннардаах.

Ил Дархан Айсен Николаев өйөбүлүнэн тэриллибит быыстапка Арассыыйа араас норуоттарын култуураларын, этнографияны билиһиннэрэр, сырдатар сыаллаах диэн СИА суруйар.

Мира Аргунова — Арассыыйатааҕы уонна норуоттар икки ардыларынааҕы куонкурустар лауреаттара, дипломаннара. Арктикатааҕы култуура, ускуустуба институтун туйгуннук бүтэрбитэ. Кини хартыыналара 50-тан тахса быыстапкаҕа көрдөрүүгэ турбуттара. Елабугатааҕы мусуой-заповедникка, Алтаай Өрөспүүбүлүкэтин Национальнай түмэлигэр, Саха сирин художественнай түмэлигэр, араас дойдуларга чааһынай кэлиэксийэлэргэ кини үлэлэрэ бааллар.