Ис туругу тупсарар судургу аһылыктар

Арассыыйа быраастара этэллэринэн, тууһаммыт хаппыыста уонна суорат киһи куруук дьиксинэ, дьааххана сылдьар туругуттан тахсарыгар көмөлөһөллөр.

Бу аһылыктар ньиэрбинэй систиэмэҕэ эрэ буолбакка, “дьол гормона” дэнэр серотонины үөскэтэр сүрүн уоргаҥҥа – оһоҕоско эмиэ үчүгэйдик дьайаллар. Санааны-оноону саахардаах, клетчаткалаах уонна В6 битэмииннээх банааннар эмиэ көтөҕөллөр. Ону таһынан өйү-санааны сааһылыырга, төбөнү үчүгэйдик үлэлэтэргэ, истириэһи кыйдыырга аһылыкка омега-3-тээх сыалаах балык, араас эбилигэ суох йогурт, сэбирдэхтээх үүнээйилэр уонна сымыыт араҕаһа хайаан да баар буолуохтаахтар.