Бэҕэһээ Үөһээ Бүлүү дьаһалтатын баһылыга Владимир Поскачин уонна уопсастыбаннас аатыттан Кэнтик олохтооҕо юрист Федор Николаев туруорсаннар, биллиилээх судаарыстыбаннай-политическай диэйэтэл, Саха автономиятын турууласпыт, төрүттэспит чулуу дьоммутуттан биирдэстэрэ, Саха АССР совнаркомун бастакы бэрэссэдээтэлэ Исидор Никифорович Барахов (Иванов) аатын Арктикатааҕы судаарыстыбаннай агротехнологическай университекка (АГАТУ) иҥэрэр туһунан быһаардылар.
Санатар буоллахха, Үөһээ Бүлүү уопсастыбаннаһа туруорсан биллиилээх судаарыстыбыннай, бэлитиичэскэй диэйэтэл аатын Саха сирин биир бөдөҥ үөрэҕин тэрилтэтигэр иҥэрэр туһунан суругу Арассыыйа тыатын хаһаайыстыбатын миниистирэ Дмитрий Патрушев аатыгар сурук ыыппыта. Онно Арктикатааҕы судаарыстыбаннай агротехнологическай университет кэлэктиибэ мунньахтаан баран министиэристибэҕэ этии киллэриэхтээх этэ. Дьэ ол түгэн үүнэн, тустаах үөрэх тэрилтэтэ дьүүллэһэн баран, Исидор Барахов аатын иҥэрэр туһунан 100 % куоластаан ылынна. Онон Арассыыйа тыатын хаһаайыстыбатын министиэристибэтигэр докумуон бигэргэммтин туһунан илии баттанара эрэ хаалла.
Исидор Барахов – биллиилээх судаарыстыбаннай бэлитиичэскэй диэйэтэл, Саха АССР совнарком бастакы бэрэссэдээтэлэ, экэниэмикэ билимин хандьыдаата, саха саарына. Максим Аммосовы уонна Платон Ойуунускайы кытары Саха АССР тэрийсибит үтүөлээх киһи буолар.
Кини тохсунньу 31 күнүгэр (олунньу 12 күнэ) 1898сыллаахха Үөһээ Бүлүү улууһун Харбалаах нэһилиэгэр бааһынай дьиэ кэргэнигэр төрөөбүтэ. 1914 с. Үөһээ Бүлүү алын кылаастаах оскуолатын бүтэрбитэ. Дьокуускай куоракка Учууталлар семинарияларыгар үөрэнэ сылдьан Е.М.Ярославскайы кытары билсибитэ.
1917 сыл балаҕан ыйыттан социал-демократическай баартыйа чилиэнэ. Коммунистическай баартыйа Бүлүү уокуруктааҕы бүрүөтүн сэкирэтээрэ (1920-1922), Саха АССР совнаркомун бэрэссэдээтэлэ (1922-1924). Дьокуускайдааҕы баартыйа обкомун бастакы сэкирэтээрэ (1926-1928). Илин Сибиир уонна Уһук Илин Коммунистическай баартыйатын киин кэмитиэтин тыа хаһаайыстыбатын салаатын сиэктэрин сэбиэдиссэйэ (1933-1938). Баартыйа Х, ХІІ, XV сийиэстэрин дэлэгээтэ, ССРС КК чилиэнинэн талыллыбыта. Кини 1926 сыллаахха Бакуга ыытыллыбыт Бүтүн сойуустааҕы түүрдэр кэнгириэстэригэр Саха сирин дэлэгээссийэтин салайбыта. 1921-1924 сс. губбюро сэкирэтээринэн, Саха АССР Совнаркомун бэрэссэдээтэлинэн үлэлээбитэ. 1926-1928 сс. Саха сиригэр баартыйа тэрилтэтин салайбыта.
Үүнэр сылтан саҥа дьиэ кэргэн төлөбүрүн биэрэр буолуохтара. Бу төлөбүрү норуокка “төрөппүт 13-с хамнаһа” диэн…
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…