Хаартыскаҕа Мария Васильева түһэриитэ, СИА
Үөһээ Бүлүү улууһугар быйыл Исидор Барахов аатынан култуура киинин үлэҕэ киллэриэхтэрэ.
Култуура киинэ Харбалаах нэһилиэгэр инвестиция бырагырааматынан тутуллар. Бу боппуруоһу улуус уонна өрөспүүбүлүкэ уопсастыбаннаһа туруорсубута. Ил Дархан Айсен Николаев Үөһээ Бүлүүгэ оробуочай сырыытыгар тутууну көрдө уонна ыйыллыбыт болдьоҕор үлэҕэ киллэрэргэ сорудахтаата.
Култуура киинин тутууга 29 киһи, түөрт тиэхиньикэ үлэлиир. Тутуу билиҥҥи туругунан 22% бэлэм. Оттон былаанынан, эбийиэги 2023 сыл бүтүүтүгэр түмүктүөхтээхтэр.
Икки тыһыынчаттан тахса кв. м иэннээх икки мэндиэмэннээх кииҥҥэ И.Н.Барахов аатынан судаарыстыбаннас түмэлэ, бибилэтиэкэ, 150 миэстэлээх киинэ тыйаатыра киириэхтээхтэр. Бастакы мэндиэмэҥҥэ быыстапкалыыр саалалар, администрация хоһо, уо.д.а. былааннаналлар. Иккискэ — бибилэтиэкэ, аактабай саала, артыыстар уонна көстүүмнэри уурар хосторо, куруһуоктары ыытар хос, уо.д.а. баар буолуохтара.
Быйыл судаарыстыбаннай-бэлитиичэскэй диэйэтэл, САССР төрүттэспит дьонтон биирдэстэрэ И.Н.Барахов төрөөбүтэ 125 сыла.
Сиһилии https://www.sakha.gov.ru/news/front/view/id/3366964 ааҕыҥ.
СӨ Ил Дарханын уонна Бырабыыталыстыбатын пресс-сулууспата
Мииринэй куорат 60 саастаах олохтооҕо түөрт киһини өлөрөн сууттанна. Бу туһунан СӨ Борокуратуурата иһитиннэрэр. 2023…
Хомсомуол үгүс көлүөнэ ыччакка эдэр саастарын аргыһа буолан, сыллар аастахтарын аайы күндүтүйэн иһэр өйдөбүл. …
— Оҕом Казахстаҥҥа төлөбүрдээх үөрэххэ киирбитэ. Онно нолуок вычетын хайдах төннөрүөххэ сөбүй? Төрөппүт ыйытыытыгар Арассыыйа ФНС…
Сэтинньи 6 күнүгэр үлэ бэтэрээнэ, СӨ култууратын үтүөлээх үлэһитэ, Тыл билимин хандьыдаата, Арассыыйа Бэдэрээссийэтин Билимин…
Норуоттар сомоҕолоһууларын күнүн көрсө, сэтинньи 2 күнүгэр “Арассыыйа – мин устуоруйам” түмэлгэ “Этнография улахан дьыктааныгар”…
Быйылгы кыстыкка Мэҥэ Хаҥалас улууһун “Тарат” кэпэрэтиибэ 64 тиҥэһэни атын хаһаайыстыбалартан атыыласта. Ол курдук, Бүлүүттэн…