2025 сыл кулун тутар 15 күнүгэр 2024 сыллааҕы экэниэмикэ, үп уонна инвестиционнай бэлиитикэ эйгэтигэр И.Н.Барахов аатынан Судаарыстыбаннай бириэмийэни ылыыга сайаапканы тутуу түмүктэнэрин туһунан өрөспүүбүлүкэ экэниэмикэҕэ министиэристибэтигэр иһитиннэрдилэр.
“Саха АССР норуотун хаһаайыстыбатын уларытыыга генеральнай былааны оҥорууну салайбыт уонна хайаны байытар бырамыысыланнас сайдыытын ситиспит Барахов үгүс экэнэмиичэскэй чинчийиилэрэ уонна тойоннооһуннара суолтатын сүтэрбэккэ олоххо киирбиттэрэ. Исидор Никифорович стратег уонна экэнэмиис быһыытынан өрөспүүбүлүкэ тырааныспарка сибээһин сайыннарыыны инники күөҥҥэ тутара. Оччолорго кини номнуо Иркутскайтан Уус Кукка диэри тимир суолу бырайыактааһын, Дьокуускай – Невер тракт тутуутун, Өлүөнэтээҕи пароходствоны тэрийии боппуруостарын көтөхпүтэ” – диэн эрдэ Ил Дархан Айсен Николаев бэлиэтээн турар.
И.Н.Барахов аатынан Судаарыстыбаннай бириэмийэ, Саха сирин судаарыстыбаннаһа атаҕар туруутугар уонна сайдыытыгар ураты кылаатын киллэрсибит өрөспүүбүлүкэ уһулуччулаах судаарыстыбаннай уонна бэлитиичэскэй диэйэтэлэ Исидор Никифорович Барахов (Иванов) аатын үйэтитэр сыаллаах олохтоммута.
Судаарыстыбаннай бириэмийэни ылыыга хандьыдааттары Саха сиригэр баар тэрийэр-быраап көрүҥүттэн тутулуга суох тэрилтэлэр үлэлиир кэлэктииптэрэ, уопсастыбаннай тэрилтэлэр, билим тэрилтэлэрин учуонай сэбиэттэрэ киллэрэллэр.
И.Н.Барахов аатынан Судаарыстыбаннай бириэмийэ сыллата Саха Өрөспүүбүлүкэтин күнүгэр – муус устар 27 күнүгэр Ил Дархан Ыйааҕынан ананар.
Бириэмийэ балаһыанньатын туһунан бу сигэнэн көрүөххүтүн сөп.
Докумуоннары туттарар аадырыс: 677000, Дьокуускай к., Ленин проспегын 28, кэб. 206, билсэр төл. (4112) 39-81-90; 39-83-00.
Үлэ кэмэ: бэнидиэнньик-бээтинсэ, 9:00 ч. — 18:00 ч. (тохтобул 12:30-14:00).
Ил Дархан уонна Бырабыыталыстыба пресс-сулууспата.
Саха сирин олохтоохторо МАХ национальнай мессенджергэ «Мин докумуоннарым» киин чат-ботун көхтөөхтүк туһанар буоллулар. Сервис бу…
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…