https://t.me/namskiyulus
Бэҕэһээ, сэтинньи 9 күнүгэр, Нам улууһун Искра нэһилиэгэр саҥа таас дьиэ үлэҕэ киирдэ.
Ол курдук, «Хаарбах уонна саахалланар туруктаах дьиэлэртэн дьону көһөрүү» өрөспүүбүлүкэтээҕи аадырыстаммыт бырагыраама чэрчитинэн 6 кыбартыыралаах, толору хааччыллыылаах саҥа таас дьиэ үөрүүлээх аһыллыыта буолла.
Тутуу үлэтин урбаанньыт Виталий Марков сүрүннээтэ. Үлэ быйыл бэс ыйыгар саҕаламмыта. Күрүөтэ-хаһаата оҥоһуллан барыта бэлэм.
Үөрүүлээх тэрээһин саҕаланыыта сахалыы сиэринэн алгысчыт Владимир Сыромятников уот оттон, сыт таһааран, кымыһынан айах тутан, алаадьынан күндүлээн айыылартан көрдөстө. Эҕэрдэ тылларын улуус баһылыгын бастакы солбуйааччы Анатолий Павлов, Искра нэһилиэгин баһылыга Матрена Дьяконова, урбаанньыт Виталий Марков эттилэр уонна аалай лиэнтэни быстылар.
Искра нэһилиэгэр бу бастакы таас тутуу буолар. Саҥа дьиэлэммит биир дойдулаахтарбытыгар эҕэрдэбитин тиэрдэбит, дьиэҕит-уоккут сылаас, ыраас буоллун.
«Нам улууһа» МТ пресс-сулууспата
Ил Дархан Айсен Николаев Ил Түмэҥҥэ Туһаайан этиитигэр эрэгийиэн үүнэн иһэр экэниэмикэтин сайыннарарга квалификациялаах орто…
Хаар аты А.И. Софронов-Алампа аатынан 1 нүөмэрдээх Ытык Күөл орто оскуолатын технологияҕа учуутала Николай Степанов…
Нерюнгри улууһун Чульман бөһүөлэгэр 18 саастаах уол таһырдьа -40 кыраадыс буолан турдаҕына, дьиэлэр ититиилэрин ситимнэрин…
Элбэх оҕолоох уонна уустук балаһыанньаҕа түбэспит 94 дьиэ кэргэн оҕолоругар норуот дьокутаата уонна «Саханефтегазсбыт» АУо…
Ахсынньы 25 күнүгэр Украинаҕа эйэлээх сөбүлэһии оҥоһуллуохтаах диэн Трамп олохтообут болдьоҕо бүттэ. Билиҥҥи туругунан эйэлээх…
Саха сиригэр "Дьиэ кэргэн" национальнай бырайыагынан 437 мэдиссиинэ аныгы тэрилэ кэллэ. Арассыыйа бэрэсидьиэнэ Владимир Путин көҕүлээбит…