Искусственнай ардах ойуур баһаарын аччатар

Саха сиригэр айылҕа баһаарын ахсаана аччааһына искусственнай тиэхиньикэнэн сөҥүүнү түһэрииттэн тутулуктааҕын Ил Дархан Айсен Николаев «Россия 24» федеральнай ханаалга иһитиннэрдэ.

Ол курдук, искусственнай сөҥүүнү түһэрии быраактыката аан бастаан уустук 2021 сыллаахха боруобаламмыт. Онтон ыла өрөспүүбүлүкэҕэ Росгидрометы уонна РФ Айылҕа ресурсаларын уонна экологияҕа министиэристибэтин кытта эспэримиэн быһыытынан оҥоһуллар.

«Бу 2021  сыл кэнниттэн ылыммыт  сөптөөх быһаарыныыбыт буолар. Баһаар киэҥ сири ылбытын кэннэ, бохсорго уустуктардаах, онон эрдэттэн сэрэтэр үлэни тэрийэр ордук. Бэлиэтээн эттэххэ, биһиги айылҕабыт уратытынан баһаардары умуруоруу уустуктардаах», — диэн бэлиэтээтэ Айсен Николаев.

Бүгүҥҥү күҥҥэ өрсөпүүбүлүкэҕэ икки ойуур баһаара бэлиэтэнэр. Олор иккиэн умуруоруллубуттара. Онон нэһилиэнньэлээх пууннарга куттал суох. Былырыын баччаларга Саха сиригэр 35 ойуур баһаара бэлиэтэнэр этэ. Уопсайа 86 300,5 гектары ылбыта.